Connect with us

Kosovë

Kadri Veseli nuk gjen përkrahje, për Komisionin e listave të fryra të veteranëve

Published

on

Deputetë të Kuvendit të Kosovës dhe shoqëria civile i janë përgjigjur negativisht kërkesës së kryeparlamentarit, Kadri Veseli, për krijimin e një komisioni parlamentar për hetimin e listave të fryra të veteranëve dhe njëherësh pastrimin e tyre.

Sipas tyre kjo është një ndërhyrje në gjyqësor dhe keqpërdorim i komisioneve hetimore.

Gjithsesi ka nga ata që mendojnë se Komisioni është ide e duhur. Enver Hoti, deputet nga radhët e Nismës Socialdemokrate, thotë se Komisioni duhet të merret me këtë çështje.

“Qytetarët dhe vetë veteranët e UÇK-së kanë nevojë që të arrihet e vërteta, por e vërteta nuk mund të arrihet duke krijuar trupa paralele”, thotë ai.

“Ne jemi të bindur se institucion kompetent është komisioni”

Por sipas deputetit nga radhët e LDK’së, Driton Selmanaj, çdo përzierje e politikës në këtë çështje do të dëmtojë procesin.

“Kjo është krejtësisht e panevojshme. Është lojë politike e kryetarit të kuvendit”, thotë Selmanaj.

“Ata që duan të përfitojnë me vota me gjakun e njerëzve në kosovë nuk e kanë vendin në politikë”, vazhdon ai, duke drejtuar edhe sulme ndaj Veselit.

Ndërsa as deputetët e Lëvizjes Vetëvendosje nuk pajtohen me këtë iniciativë të Veselit.

“Komisioni hetimor nga rrethanat e tilla është prolongim i zgjidhjes së këtij problemi”, thotë deputeti Rexhep Selimi.

“Kryetari i parlamentit, si drejtues i koalicionit qeverisës PAN, ka rrugë më të shkurtëra për të ndërhyrë në këtë problem”.

Betim Musliu konsideron se kjo është një ndërhyrje në punën e drejtësisë pasi që lidhur me rastin është ngritur një aktakuzë.

https:/https:/www.gazetaexpress.com/kadri-veselit-po-i-deshton-edhe-krijimi-i-komisionit-per-veteranet-mashtrues-askush-se-perkrahx

 

 

 

Continue Reading

Kosovë

​Gastronomët e Kosovës përmes borive të makinave shprehin pakënaqësinë e tyre me masat e reja antiCOVID-19

Published

on

Shoqata e Gastronomëve e Kosovës, në shenjë pakënaqësie me masat e fundit qeveritare, përmes borive të makinave, sonte për disa minuta ka protestuar në rrugën përballë objektit të Qeverisë së Kosovës.

Qeveria e Kosovës në kuadër të masave të reja për luftimin e pandemisë, vendosi dje për shtyrjen e orarit të gastronomisë deri në orën 23:00. Më herët ky sektor ishte lejuar të punojë deri në 21:30. Ndërkohë ora policore mbetet në fuqi nga mesnata e deri në pesë të mëngjesit, me përjashtim të rasteve emergjente.

Shoqata e Gastronomëve të Kosovës kërkon që të punohet sipas rregulloreve Komunale, që muzika të jetë në proporcion me këtë orar, dhe ora policore të hiqet.

“Masat nuk kanë kuptim që të kufizojnë veprimtaritë biznesore, por të stimulojnë vaksinimin e popullatës, si zgjidhja e vetme për daljen nga kjo krizë. Përderisa i lejojmë të hyjnë vetëm personat e vaksinuar dhe ata që ofrojnë dëshmi, pse të mos punojmë me kapacitete të plota?!”, thuhet në një reagim të kësaj shoqate e cila për nesër ka paralajmëruar mbledhjen e jashtëzakonshme të Kuvendit, në orën 14:00.

Ndryshe, edhe Asociacioni i Komunave të Kosovës ka paralajmëruar se do të kërkojë serish heqjen e orës policore, pasi që numri i rasteve të reja me koronavirus po shënon rënie dhe tash e sa ditë nuk ka asnjë rast me përfundim fatal.

Continue Reading

Kosovë

Ushtarët e FSK-së do të nisen për në stërvitjen qendrore të Forcave të Armatosura Sllovene

Published

on

Ministri i Mbrojtjes i Kosovës Armend Mehaj është deklaruar me rastin e dërgimit të një kontingjenti të FSK-së në stërvitjen e Forcave të Armatosura sllovene “Disaster Relief and Military Mobility Exercise 2021” (DRM2 EX21), me kolegët e tyre të forcave sllovene dhe 19 forcave të shteteve tjera të BE-së dhe NATO-s.

Në një postim në Facebook, ministri Mehaj thotë se kjo stërvitje synon të forcojë gatishmërinë e Forcave të Armatosura sllovene për të marrë pjesë në sistemin e mbrojtjes nga fatkeqësitë natyrore dhe fatkeqësitë e tjera në Slloveni, si dhe për të integruar sigurinë me shtetet anëtare të BE-së dhe forcat tjera partnere, sikurse Kosova, në fushën e mobilitetit ushtarak dhe mbështetjes logjistike.

“Mirënjohje dhe vlerësim i lartë për partneritetin me ministrinë dhe forcat homologe sllovene. Besim i plotë në shkathtësitë profesionale specialistike të ushtarakëve tanë dhe aftësive ndërvepruese me forcat partnere. Forca djem, për Nderin e Kombit dhe Flamurin tonë! Për më të mirën, për veten dhe miqtë tanë!”, shkruan Mehaj.

Stërvitja “Disaster Relief and Military Mobility Exercise 2021” ka nisur më 18 tetor dhe zgjat deri më 29 tetor. Përveç Kosovës, në këtë stërvitje marrin pjesë edhe Shqipëria, Austria, Belgjika, Kroacia, Mali i Zi, BeH, Franca, Gjermania, Italia, Luksemburgu, Maqedonia Veriore, Rumania, Çekia, Polonia, Rumania etj.

Continue Reading

Kosovë

Në këto tri komuna kandidatët e VV-së morën më së shumti vota

Published

on

Kandidatët e Lëvizjes Vetëvendosje kanë marrë më së shumti vota nga diaspora kosovare edhe në Vushtrri, Shtime dhe Kamenicë.

Gara për të parin e këtyre komunave do të vendoset në raundin e dytë më 14 nëntor, pasi asnjëri nga kandidatët nuk mori mbi 50 për qind.

Në Vushtrri, Arsim Rexhepi i Vetëvendosjes, i cili në zgjedhjet e 17 tetorit u rendit i treti me 26.03 për qind, mori 37 vota.

Dy kandidatët që do të përballen në balotazh, Xhafer Tahiri nga LDK dhe Ferit Idrizi PDK, nga diaspora kanë marrë 33, përkatësisht 10 vota.

Edhe në Kamenicë kandidati i Vetëvendosjes Kadri Rahimaj ka marrë më së shumti vota – 168, duke lënë mbrapa Qëndron Kastratin e PSD-së me 63. Të dy këta do të jenë në balotazh, pasi kanë marrë më së shumti vota në raundin e parë.

Ndërkaq, Jeton Biqkaj LDK dhe Muahmed Kallaba PDK kanë marrë nga 12 vota nga diaspora, Faton Jakupi AAK 10 vota, Albert Sermaxhaj NISMA – asnjë.

Qemajl Aliu nga Lëvizja Vetëvendosje për Shtime ka marrë 66 vota nga diaspora, duke lënë mbrapa Naim Ismailin e PDK-së me katër vota. Bedri Zeqiri i LDK-së, i cili nuk arriti të sigurojë balotazhin, ka marrë pesë vota.

Aliu prin edhe sipas rezultateve preliminare të KQZ-së për kryetar të Shtimes, me 45.10 për qind, para Naim Ismailit, kryetarit aktual, me 44.64 për qind.

Continue Reading

Aktuale