Connect with us

Komente

Ç’u bë kështu, ooo vendi im?

Published

on

Shkruan, Agron SHAQIRI

Sot takova një grua; punonte në një bar nate. Më tha se kishte dy fëmijë. Ishte e ndarë nga burri, i cili as për fëmijët nuk mendonte më. E kishte dhunuar dhe e kishte lënë për një tjetër. Më tha:

“Mu desh të bërtisja, dhe bërtita, por të gjithë filluan të qeshnin me mua. Ndaj vendosa të largohem. Burri u largua vetë. Unë dhe dy fëmijët e mi ngelëm në rrugë, ndaj me ato pak para që kisha mbledhur mora një shtëpi me qira. Jam sorollatur gjykatave për t’i kërkuar asistencë ish-bashkëshortit për fëmijët, por s’kam mundur ta vazhdoj se të gjithë janë të korruptuar dhe unë s’kam para për t’i paguar, ndaj vendosa të bëj këtë punë.”

Vazhdoi t’më fliste edhe për vendin e punën. E pyeta nëse kishte kontratë. “Jo!” – më tha. Rrogën e kishte deri diku të mirë. Kishte dhe një kontratë të firmosur nga vetë pronari pa dijeninë e saj dhe të punëtoreve tjera si një mënyrë për t’i pasur nën kontroll.

E pashë shpirtin e saj luftarak teksa më fliste për varfërinë që kishte bërë të vetën, se ua kishin prerë edhe dritat. Teksa ajo fliste mua më vinte ndërmend kur dikur, kur isha fëmijë edhe familjes time i prenë dritat po për të njëjtën arsye. Ç’mund të thosha më tepër?! Isha gati të shpërtheja në lot, por zonja para meje po më thoshte që s’duhet të dorëzohemi. Prandaj e mbajta veten.

Rrëfimi ishte aq i gjatë, po aq sa edhe kalvari i vuajtjeve të saja.

“I them vetes se jam mirë për t’u dhënë guxim, por nuk e di nëse do t’ia dal t’i rris dhe t’i edukoj fëmijët e mi ashtu si duhet. Vendi ynë do të ndryshojë veç nëse e bëjnë të rinjtë.” , përfundoi rrëfimin gruaja e barit të natës.

Kurse unë doja t’i përgjigjesha se ndryshimin e ka nisur tashmë ajo me gjithë guximin që po tregonte, por s’mund të flisja më tej. Veç këto vargje të rock grupit Troja më vinin ndër mend:

E Kush kish thanë, kush kish thanë?
E Kush kish thanë, Kush kish thanë…
që n’kët dite kemi me ardhë!!!

Continue Reading

Komente

Çun Lajçi pas festës në Skenderaj: Nuk e kisha besuar se një Drenicë do t`i gëzohej humbjës se djalit të Hamëz Jasharit

Published

on

Aktori i njohur ka reaguar në Facebook përmes një postimi.

Çun Lajçi kishte disa fjalë për t`u thënë të gjithë atyre të cilët festuan humbjen e Bekim Jasharit në Skenderaj.

Përmes postimit ai tha se nuk do ta besonte kurrë se një ditë ai do të ishte dëshmitar i festimeve për humbjen e djalit të Hamëz Jasharit.Ai tha se Drenica ka trima mirëpo nuk ka qenë në dijeni se ata urrejnë trimin e tyre.

“Jasharajt janë KosovaTri ditë mbas masakrës se Jasharajve e pata shkrua nji monolog për plisin e dheun.S’ishte ndonji mrekulli e madhe, por ishte shpresë (për ata që thojshin jemi ushtarët e Komandantit), se Ademi nuk ka vdekë. Asht gjallë n’fushat e Kosovës!Ndër ato pak fjalë që po ia thosha Hamzës të varri, ishte edhe nji krahasim: Azemi vdiq e shkoi tue i knua “Azem Bejta Azem Galica, ta pau sherrin tan Drenica”Cilit keni me ia knua ket kangë tash? Cilit?Prap po them s’ishte profeci, por ishte brengë e artistit, se tue njoft popullin tim, kisha frikë se s’kan me shkua edhe shumë vite, e kemi me dyshua n’secilin e kemi me harrua edhe Hamzën edhe Ademin e lakmia ka me na i vërbua sytë.E kisha nga frika, jo nga profecia!Unë s’isha melaqe me pa fatin mbas njizetë vitësh, por edhe plisin edhe dheun kisha me hangër e s’kisha me besua se nji ditë Drenicë ka me iu gëzua aq shumë humbjës se djalit t’Hamëz Jasharit, e ka me zbrazë kallasha (edhe pse shumë kush s’u skuq e m’tha “m…t e bani edhe ky për 4 vjet”)Drenica ka pasë trima, këtë e dinë të gjithë, por s’e kam ditë se e urrenë trimninë e vet e njeriun e vet s’e don. S’e kaq leht mashtrohen!Humbje asht për VV-në, AAK-në e partitë lakmiçare si PDK, por i biri i Hamzës e Jasharajt s’janë humbja, janë Kosova e krenaria e shqiptarisë!Mos iu gëzoni humbjës së Bekimit, se kjo flet për diçka që s’duhet e s’dua ta them as unë!
18.10.2021″, shkroi aktori Lajçi.

Continue Reading

Komente

Xhaferi me apel për tetovarët: Sot e keni në dorë ta ndërroni pushtetin dhe t’i jepni fund Teutës dhe bandës së saj!

Published

on

Aktivisti Arianit Xhaferi përmes një statusi në facebook ka bërë apel ndaj tetovarëve se sot e kanë në dorë që ta ndërrojnë pushtetin dhe t’i japin fund Teutës dhe bandës së saj, përcjell in7

Postimi i plotë:

Sot është dita kur flet qytetari. Kujtoni gjithçka që ka ndodhur gjatë viteve që na kanë vrarë, na i kanë djegur njerëzit të gjallë, na kanë lënë pa ujë, na kanë poshtëruar e përbuzur, na kanë përzënë nga votrat tona, na kanë vjedhur paratë për t’ua dhënë familjarëve të tyre, na kanë helmuar, na kanë marrë ujërat për të ndërtuar hidrocentralet e tyre, na i kanë lënë rrugët me gropa, na ka dalë kanalizimi në rrugë, na kanë nervozuar se s’kemi gjetur një vendparkim, na kanë futur në borxhe, na kanë sulmuar qentë endacakë, na kanë gënjyer e na kanë mashtruar çdo ditë…
Sot e keni në dorë ta ndërroni pushtetin dhe t’i jepni fund Teutës dhe bandës së saj. Zgjidhja e vetme e problemeve është #numri6 në listën e votimit, ka përfunduar aktivisti Xhaferi./in7.tv/

Continue Reading

Komente

Ibrahimi: nëse ju ofrojnë para për votë, merrjauni, por dënoni për pafytyrësinë

Published

on

By

Zeqirja Ibrahimi në Facebook:

Paratë që ua ofrojnë merrjauni, sepse ato janë para që i kanë vjedhur nga ju, nga populli.

Por, dënoni për pafytyrësinë që duan t’ju blejnë me 1000 denarë në katër vjet, ndërsa vetë janë bërë milionerë.

Ata ecin me patika që kushtojnë disa qindra euro, ndërsa fëmija juaj nuk i ka 10 denarë për simite në shkollë.

Ata vozisin makina që kushtojnë mbi 100 mijë euro, ndërsa ju dergjeni lart e poshtë me autobusë e në këmbë.

Andaj, nëse ju ofrojnë para për votë, merrjauni, por dënoni për pafytyrësinë.

Continue Reading

Aktuale