Connect with us

Bota

A do ta humb besimin e rusëve Vlladimir Putin?!

Published

on

Çdo vit presidenti rus Vladimir Putin, organizon një konferencë televizive maratonë me pyetje-përgjigje, gjatë të cilës ai dëgjon ankesat e njerëzve, premton t’i zgjidhë problemet e tyre, dhe shpjegon pikëpamjet e tij mbi një gamë të gjerë çështjesh.

Me më shumë se 1 milionë pyetje të shtruara për të, organizatorët zgjedhin me kujdes vetëm disa prej tyre. Në fakt pyetja që nuk iu shtrua zyrtarisht, por që u ndje ishte:Kur do të largohet nga pushteti? Për shumë amerikanë të zemëruar me rolin e Rusisë në zgjedhjet e vitit 2016, si dhe nga qëndrimi i presidentit Donald Trump ndaj Rusisë, Putini duket si një mjeshtër i manipulimeve.

Por në Rusi, nuk shihet tamam kështu. Pas gati 2 dekadash në pushtet, Putini ndodhet nën presion. Sipas sondazheve të opinionit, rusët janë më pak të impresionuar me sjelljen e tij në skenën botërore, dhe po u soset durimi me ekonominë në stanjacion, varfërinë në rritje, korrupsionin e shfrenuar, represionin dhe abuzimet e përhapura të pushtetit.

Putini mbetet ende në pozita në forta në krye të vendit, pa ndonjë kërcënim të menjëhershëm ndaj sundimit të tij. Por ngjarjet e fundit, sugjerojnë një kthesë të mundshme:Në një numër frontesh, brenda dhe jashtë vendit, Putini është përballur me dështime të turpshme, dhe popullsia e zhgënjyer, e ka humbur besimin tek ai, duke nisur të sfidojë me guxim autoritetin e tij.

Javën e kaluar, autoritetet u vunë nën një presion aq të madh pas arrestimit të gazetarit investigativ Ivan Golunov me akuza të fabrikuara, saqë pas disa ditësh e liruan dhe e shpallën të pafajshëm.

Në një vend, ku gazetarët që publikojnë shkrime kritike ndaj Kremlinit eleminohen fizikisht, reagimi i qeverisë ndaj valës në rritje të protestave, zbulon se regjimi është i shqetësuar për rënien e popullaritetit.

Kriza ekonomike, po e zbeh mbështetjen e rusëve për Putinin. Bumi ekonomik, që nxiti popullaritetin e Putinit, u zbeh pas rënies së çmimeve të naftës disa vite më parë. Standardet e jetesës po bien, dhe përpjekjet e qeverisë për të frenuar shpenzimet, kanë shkaktuar një reagim të ashpër.

Që nga lëvizja e vitit të kaluar për rritjen e moshës së daljes në pension, rusët kanë protestuar me më shumë entuziazëm. Pavarësisht nga arrestimet e përsëritura, mesazhet e aktivistëve kundër korrupsionit, po rezonojnë gjithnjë e më shumë me protestuesit.

Dikur ishte më e lehtë të toleroheshin miqtë e Putinit që bëheshin miliarderë, pasi edhe jeta e rusëve të thjeshtë po përmirësohej. Jo sot. Ndërsa ndërhyrjet ushtarake në kufijtë e Rusisë, nxitën dikur ndjenjën e patriotizmit të rusëve, kostoja e aventurave të huaja po shkakton një barrë të madhe mbi buxhetet familjare

Rritja ekonomike këtë vit pritet të mbetet e dobët, rreth 1 për qind. Qeveria planifikon shpenzime më të mëdha në infrastrukturë, por përzierja e korrupsionit dhe sanksioneve ndërkombëtare, nuk po ndihmon aspak. Investimet e huaja, gati janë zhdukur.

Udhëheqësi rus, besohet sot në Siberi nga vetëm 31.7 për qind e rusëve, sipas sondazhit të kompanisë ruse VTsIOM, shumë më poshtë se 71 për qind në 2015, pas pushtimit të Krimesë. Në total popullariteti i Putin mbetet në nivelin e kënaqshëm 60 për qind, por shumë ulët se niveli 90 për qind para disa vitesh.

Për vite me rradhë, aktivistët rusë u kanë thënë perëndimorëve se imazhi i tyre mbi Putinin si një strateg, është shumë larg së vërtetës. Sigurisht, Putini ndërhyri në Siri dhe e ndihmoi nga rënia Bashar Al-Asadin, ndihmoi në zgjedhjen e Trumpit president në SHBA, përmes manipulimit të votuesit amerikanë.

Trump heziton sot të kritikojë haptazi Putinin, duke vonuar sanksionet e reja ndaj Moskës të miratuara nga Kongresi. Por nëse Putin priste që Trump t’i hiqte fare sanksionet, kjo gjë nuk ka ndodhur. Aksionet e Putinit, kanë patur efektin e kundërt edhe në fusha të tjera.

Vitin e shkuar, Greqia i dëboi diplomatët ruse, duke i akuzuar ata për një komplot kundër dhënies fund të një mosmarrëveshjeje të vjetër mbi emrin e Maqedonisë. Komunikimet e përgjuara, identifikuan agjentët e Kremlinit që përhapnin dezinformata dhe kishin paguar protestuesit grekë, për të kundërshtuar një marrëveshje midis Greqisë dhe Maqedonisë.

Marrëveshja u nënshkrua me sukses, pavarësisht përpjekjeve të Moskës. Nëse Putini ndjen se fuqia e tij po dobësohet, kjo mund të ndikojë në sjelljen e tij ndërkombëtare. Ai mund të synojë të sfidojë sërish SHBA, ose të izolohet, duke u përqendruar më shumë në shtëpinë e tij.

Në të gjitha skenaret, rezultatet e veprimeve të tij do të ndjehen në të gjithë Perëndimin, ku Moska ka nxitur në mënyrë aktive mosmarrëveshje. Zyrtarët amerikanë të zbulimit, besojnë se ai planifikon të ndërhyjë sërish në zgjedhjet presidenciale amerikane të vitit 2020.

Dhe vala nacionaliste në Evropë, ka sjellë në pushtet politikanë, që janë të etur të përmirësojnë marrëdhëniet me Moskën, dhe kjo mund të ndihmojnë në bllokimin e çdo lëvizjeje të mëtejshme nga Bashkimi Evropian, për të frenuar sjelljet destruktive të Putinit.

Mandati aktual i Putinit, mbaron në vitin 2024. Deri atëherë ai ka kohën dhe mjetet e duhura, për të forcuar pozitat e tij. Por gati 2 dekada pasi u ngjit në pushtet, rusët e kanë humbur besimin tek aftësitë e tij./përktheu dhe përshtati in7.tv/

BURIMI: politico.eu

Continue Reading

Bota

Kokaina në çantat e fëmijëve, zbulohet operacioni miliona dollarësh i trafikantëve

Published

on

By

Kokaina në çantat e fëmijëve, zbulohet operacioni miliona dollarësh i trafikantëve

Pesë persona në Nju-Jork u akuzuan se kanë organizuar një rrjet të trafikimit të kokainës me vlerë miliona dollarë, duke përdorur çanta me të cilat fëmijët marrin ushqimin në shkollë.

Çantat e përdorura, shumica prej të cilave mbanin fotot e personazheve të dashur për fëmijët, dërgoheshin me postë në Nju-Jork dhe Masaçusets, sipas Prokurorit Special të Antidrogës. “Kjo ishte praktika normale e punës për këtë organizatë”, tha prokurorja speciale Bridget G. Brennan. “Por policisë nuk ia hodhën dot me këtë taktikë”.

Drejtuesit e kësaj bande, Carlos Duarte, 36 vjeç, dhe Alexis Garcia, 41 vjeç, akuzohen se kanë dërguar disa pako me çanta të mbushura me kokainë nga Porto Rico në Nju-Jork në periudhën maj 2020-korrik 2021.

Përveç tyre janë arrestuar edhe 3 persona të tjerë, Bryan Centeno-Rosado, 23 vjeç, Raul Sweeney, 27 vjeç, dhe Wesley Coddington, 43 vjeç. Hetuesit thanë se gjatë operacionit kanë sekuestruar 30 kilogramë kokainë.

Continue Reading

Bota

Miliarderi gjendet i vdekur dy muaj pas martese

Published

on

Një 33-vjeçar, biznesmen dhe pronar i disa hoteleve ka ndërruar jetë në rrethana misterioze në Londër. Sipas mediave britanike mësohet se Vivek Chadha, i cili ishte i afërt me Partinë Konservatore, u rrëzua dhe ndërroi jetë pas një feste në klubin e natës Myfair të Londrës. Ai ishte donator i Partisë Konservatore dhe shfaqej rregullisht në evente të rëndësishme së bashku me ish-kryeministra si David Cameron dhe Theresa May.

Vdekja vjen vetëm tetë javë pasi ai u martua me modelen 29-vjeçare Stuttee Chadha, në një dasmë luksoze në hotelin JW Marriott Grosvenor House. Miqtë besojnë se ai mund të ketë pësuar një atak të papritur në zemër, por nuk dihej nëse vuante nga ndonjë sëmundje. “Jam e shokuar dhe ende përpiqem të kuptoj situatën. Ne u martuam vetëm tetë javë më parë dhe ishte diçka e bukur. Tani më duhet të përballem me humbjen e dashurisë së jetës sime. Jam e shtangur dhe zemërthyer”- tha partnerja e tij.

Continue Reading

Bota

Ndodh edhe kjo! Gjermanja lë në rrugë burrin shqiptar që ndaloi të pinte duhan në autostradë!

Published

on

Kush është dalllimi mes një shqiptari dhe një gjermani?

Rasti është mjaft domethënës. Një burrë me origjinë shqiptare në Gjermani nuk mund ta kishte menduar se ndalesa për të pirë një cigare në rrugë do t’i kushtonte shumë.

Ai udhëtonte me bashkëshorten e tij sipas mediave gjermane në autostradën A7 në Fussen, por për arsye ende të paditura ajo që ishte në vendin e shoferit vijoi udhëtimin duke e lënë në rrugë.

Disa minuta më vonë, burri bëri një telefonatë në policinë e Bavarisë duke i shpjeguar ngjarjen. Një patrullë policie e mori atë duke e bashkuar me bashkëshorten, ndërsa kur u pyet ajo tha se e kishte harruar burrin e saj në rrugë dhe vijoi udhëtimin.

Continue Reading

Aktuale