Connect with us

Lajme

Pjesë e bulevardit “Aradhat partizane” e mbyllur për shkak të punimeve

Published

on

Nga qyteti i Shkupit informojnë se për shkak të punimeve në një pjesë të bulevardit “Aradhat partizane” do të ketë regjim të përkohshëm të trafikut, përcjell in7.tv.

Për shkak të punimeve, gjegjësisht shtrimit të asfaltit në pjesën e bulevardit “Aradhat partizane”, nga ura “Kombet e Bashkuara” deri tek rruga “Moska”, trafiku do të jetë krejtësisht i mbyllur nga rrethrrotullimi në “Porta Vllae” deri tek rruga “Moska” (tek City Mall), në drejtim të lëvizjes nga Gjorçe Petrov drejt qendrës së qytetit, kurse në drejtimin e kundërt, trafiku do të shkojë pa probleme.

Regjimi i përkohshëm do të realizohet nëse këtë do ta lejojnë kushtet e motit dhe e njëjta do të jetë në fuqi deri në përfundimin e aktiviteteve ndërtimore.

Gjatë regjimit të përkohshëm, autobusët JSP që udhëtojnë përgjatë këtij seksioni të bulevardit “Aradhat partizane” do të shmangen përmes rrugës “Adolf Ciborovski” dhe bulevardit “Metropolit Teodosi Gologanov”, dhe do të kthehen në shtrirjen normale përmes rrugës “Moska” .

Asfaltimi do të kryhet në kuadër të projektit për rindërtimin e karrexhatës nga bulevardi “Aradhat partizane”, nga udhëkryqi me bulevardin “8 Shtator” deri tek ura të “Kombet e Bashkuara”, në një gjatësi prej dy kilometrash.

Qyteti i Shkupit u bën thirrje të gjithë pjesëmarrësve në trafik që të respektojnë sinjalizimin e përcaktuar të trafikut dhe t’i përmbahen regjimit të përkohshëm të trafikut.

Në të njëjtën kohë, Qyteti i Shkupit u kërkon të gjithë pjesëmarrësve në komunikacion për durim dhe mirëkuptim për shkak të mundësisë së mbi ngarkimit të në këtë pjesë të qytetit./in7.tv/

Continue Reading

Bota

Romë: Demonstratë masive kundër neofashistëve

Published

on

Përpara një jave të pandehur ekstremistë të djathtë kanë sulmuar një qendër të sindikatave në Romë. Të shtunën (16.10) dhjetra mijëra italianë protestuan kundër neofashistëve dhe kërkuan ndalimin e partisë Forza Nuova.

Dhjetra mijëra vetë u mblodhën në manifestimin antifashist në Romë. “Kurrë më fashizëm: për punë, bashkëvendosje dhe demokraci” ishte motoja e manifestimit, që u organizua nga aleanca e sindikatave të Italisë CGIL, CISL dhe UIL. Në manifestim, sipas mediave, morrën pjesë mbi 50.000 vetë. Organizatorët bëjnë fjalë për 200.000 pjesëmarrës.

Sipas të dhënave të sindikatave ishin vënë në dispozicion rreth 800 autobusë dhe dhjetë trena të posaçëm në mbarë Italinë, për t’i sjellë pjesëmarrësit në manifestimin e protestës në Romë. Me flamuj dhe pankarta mijëra përkrahës të sindikatave dhe grupe të ndryshme të majta marshuan në rrugët përreth drejt sheshit të manifestimit në “Piazza di San Giovanni in Laterano” jo larg Koloseut.

Sekretari i sindikatave Maurizio Landini tha në manifestim, se ka ardhur koha “të ndalet dhuna politike”. “Grupet neofashiste duhet të ndalohen dhe madje menjëherë”.

“Por fillimisht na duhet edukim antifashist në shkolla”, tha studentja Margherita Sardi për agjencinë e lajmeve AFP.

Para një jave anëtarët e partisë ekstremiste të djathtë Forza Nuoava (FN) pas protestave armiqësore kundër shtrirjes së masave ndaj koronavirusit në Itali ndër të tjera sulmuan selinë e sindikatës CGIL. Pas trazirave policia arrestoi dymbëdhjetë vetë ndër ta edhe sekretarin e përgjithshëm të partisë Forza Nuova, Roberto Fiore dhe kryetarin e degës së partisë për Romën Giuliano Castellino. Gjatë protestave në kryeqytetin italian pati edhe përleshje me policinë. Gjatë trazirave u plagosën 40 vetë, sikurse njoftuan mediat.

Në Itali që nga dita e premte (15.10) të gjithë të punësuarit duhet të paraqesin një “certifikatë të gjelbër” që vërteton vaksinimin ndaj koronavirusit, ose shërimin nga infesksioni me koronavirus ose duhet të paraqesin një test negativ nëse duan të vazhdojnë punën. Në rast të kundërt ata përballen me sanksione. Kush nuk paraqitet në punë, sepse nuk posedon dokumentin e kërkuar duhet të llogarisë me pushim nga puna. Testet ndaj koronavirusit janë falas për njerëzit, të cilët për arësye shëndetësore nuk mund të vaksinohen. Detyrimi për cerfitikatë vaksinimi prek në Itali rreth 23 milionë të punësuar.

Socialdemokratët (PD) kërkojnë ndalimin e partisë Forza Nuova. PD paraqiti në senat dy ditë përpara sulmeve kërkesën përmes së cilës i kërkohet qeverisë të ndërmarrë hapat për shpërbërjen e Forza Nuova dhe të partive të tjera fashiste. Sikurse njoftoi PD të shtunën (16.10), ndërkohë 100.000 vetë kanë nënshkruar një peticion përkatës. Të tjerë senatorë kanë paraqitur kërkesa të ngjashme. Pas trazirave të një jave më parë prokuroria ka nisur hetimet.

Manifestimi masiv i protestës së të shtunës përkoi me 78 vjetorin e sulmit të nazistëve ndaj getos së Romës. Mbi 1000 hebrej, ndër ta 200 fëmijë, më 16 tetor 1943 në të gdhirë u grumbulluan me forcë dhe u deportuan në kampin e përqendrimit Auzhvic./DW

Continue Reading

Lajme

Edhe në Gostivar problem me votimin biometrik

Published

on

Procesi zgjedhor në Zgjedhjet e sotme lokale në Gostivar filloi pa probleme. Më shumë se gjysma e aparateve të cilat i lexojnë shenjat nga gishti nuk kanë mundur të aktivizohen, informojnë nga KKZ Gostivar.

Për shkak të problemeve të paraqitura do të mbahet takim që të konfirmohet si do të zhvillohet votimi më tej. Atje ku nuk punojnë aparatet, procesi zhvillohet sipas udhëzimeve të KSHZ-së në të gjitha 121 vendvotimet. Në listën për votim janë të regjistruar 80.050 persona.

Nga KKZ Mavrovë Rostushë të gjitha 39 vendvotimet janë hapur në afatin e paraparë. Në listën zgjedhore ka 10.144 persona me të drejtë vote.

Nga KKZ Vrapçisht informojnë se të gjitha 39 vendvotimet janë hapur në kohë dhe vështirësitë të cilat janë paraqitur kanë tejkaluar, ndërsa procesi i votimit zhvillohet sipas parashikimeve. Në këtë komunë për votim janë regjistruar 26.383 qytetarë.

Continue Reading

Lajme

Deri në ora 09:30, jehona e votuesve në Tetovë është 3,4 për qind

Published

on

Autoritetet e Komisioni Shtetërorë Zgjedhorë në Tetovë njoftojnë se deri në ora 9:30, jehona e votuesve në zgjedhjet lokale është 3,4 për qind.

“Deri në ora 9:30, sa kemi mundur të mbledhim informacione pasi Komisioni Komunal i Tetovës përfshin 117 vendvotime, dhe duhet të bimë në kontakt me kryetarët. Deri në ora 9:30 kemi dalje prej 3,4 për qind në nivel të komunës së Tetovës”, Nazim Dauti nga KSHZ Tetovë.

Continue Reading

Aktuale