Connect with us

Lajme

Mickovski këmbëngul për zgjedhje të parakohshme dhe qeveri teknike

Published

on

Lideri i i partisë opozitare në Maqedoninë e Veriut,  VMRO-DPMNE, Hristijan Mickovski këmbëngul në zgjedhje të parakohshme parlamentare dhe Qeveri teknike.

Mickovski në një intervistë për Alsat thotë se do të shqyrtojë të gjitha format për të ushtruar presion për të çuar vendin në zgjedhje të reja.

Ai flet edhe për bashkëpunimin me partitë politike shqiptare. Mickovski gjithashtu thotë se nëse do të ketë 80 deputetë do të shkojë një hap prapa dhe do të kthejë kushtetutën atje ku ishte para Marrëveshjes së Prespës.

Intervista e plotë:

Për të fituar zgjedhje të reja parlamentare, do të dërgoni vetëm mesazhe dhe do mbani vetëm konferenca për shtyp, apo do të veproni konkretisht? Protesta? Masa më radikale?

Situata nuk do të jetë edhe gjatë kështu. Do të humbasë edhe një shans për Republikën e Maqedonisë. Shansi i humbur sjell zhgënjim të mëtejshëm tek qytetarët e Republikës së Maqedonisë dhe zhgënjimi shtesë ka dhe pasoja të tjera.

Pra nuk e hidhni poshtë mundësinë për protesta?

 As që bëhet fjalë. Absolutisht, gjithmonë protesta të qeta, gjithmonë organizim të protestave të qeta janë opsion për cilëndo opozitë, përfshi dhe për VMRO-DPMNE-në dhe opozitën në Maqedoni. Pa dallim nëse në atë opozitë do të jetë vetëm VMRO-DPMNE, ose partitë e tjera opozitare. Pse të mos jenë dhe partitë opozitare nga blloku shqiptar të jenë të pranishëm në ato protesta.

Si i keni marrëdhëniet me partitë politike shqiptare? Si lider i opozitës a jeni takuar me ndonjë prej tyre.

Po. Kemi takime, bisedojmë, shqetësimi është i pranishëm, si në njërin ashtu dhe në bllokun tjetër. Ndajmë të njëjtin problem. I njëjti problem quhet Qeveria momentale në Maqedoni. Kuptohet se komunikojmë.

Me BDI-në?

Dhe me BDI-në kemi komunikim. Në kuadër të Parlamentit, grupet parlamentare komunikojmë. Unë kam komunikim me z. Ali Ahmeti.

Mickovski, në Greqi pothuajse një javë ka qeveri tjetër nën drejtimin e z. Micotakis, i cili njësoj si ju dhe partia juaj e kritikonit Marrëveshjen e Prespës. A e uruat? Dhe ndoshta mos ka njoftim për ndonjë takim me z. Micotakis? Dhe si do veprojë VMRO-DPMNE kundrejt Marrëveshjes së Prespës nëse vjen në pushtet?

VMRO-DPMNE disa herë, qindra herë në të kaluarën e ka thënë qëndrimin për Marrëveshjen e Prespës. Ai qëndrim ishte i pastër dhe këtu nuk ka asnjë dilemë se dhe ajo është e motivuar nga ndjenjat autoktone të maqedonasve drejt shtetit dhe kombit të tij. Ndërsa tek fqinj ynë jugor, mendoj se është motivuar nga motive politike dhe është ndryshe. Ne thamë se kjo është një marrëveshje kapitulluese dhe kjo marrëveshje prek direkt në veçantinë e popullit maqedonas, kombit maqedonas dhe shtetit maqedonas. Dhe këtu nuk ka, absolutisht nuk ka asnjë dilemë. Por njëkohësisht, duhet të përmendim faktin se për të ndodhur një hap mbrapa, në mënyrë të drejtë, ligjore, është ajo për të cilën VMRO-DPMNE lufton, angazhohet dhe do të angazhohet. Ne kemi nevojë për 80 deputetë në Parlament dhe kushti Badenter. Çdo gjë që është jashtë kësaj, do të jetë një gënjeshtër e zakonshme, konstruksion dhe përpjekje për manipulim, përsëri të të njëjtit emocion dhe atyre ndjenjave të qytetarëve tanë, që një herë janë lënduar nga ana e kësaj qeverie të shantazhuar, të korruptuar dhe të shtypur.

Thatë se për hap mbrapa na duhen 80 deputetë.

Nëse duam t’i kthejmë ndryshimet kushtetuese mbrapa, neve na duhen 80…

Çfarë nëse VMRO në zgjedhjet e ardhshme do të fitojë këtë shumicë…?

Nëse do të kemi 80 deputetë dhe nëse është përmbushur kushti Badenter ne do bëjmë një hap mbrapa dhe do t’i kthejmë ndryshimet kushtetuese.

Momentalisht janë bllokuar dhe negociatat për Ligjin për Prokurorinë Publike dhe nuk jeni optimistë se deri në shtator do të arrihet marrëveshje.

 

Nuk ka ambient në shtet që momentalisht të funksionojë dialogu politik ndërmjet opozitës dhe pushtetit. VMRO-DPMNE nëpërmjet kanaleve të saj qëkur nuk hasi në pritshmëri pozitive nga ana e Qeverisë për ofertën që të punojmë bashkë në mënjanimin e të gjitha pengesave për të fituar datë për negociata në tetor, VMRO-DPMNE nëpërmjet kanaleve të saja, në mesin e partive simotra do të vazhdojë me lobimin, ashtu siç e ka bërë deri tani, në mënyrë shtetërore, jo siç e ka bërë LSDM-ja kur ishte opozitë, kur ngjyroste, shkatërronte, lyente me bojë dhe spiunonte në mbarë botën duke shkruar letra, por në mënyrë legjitime, në bisedë me partitë tona simotra, me faktin se kjo qeveri kriminele, e shantazhuar dhe korruptuar nuk meriton datë, por mos i dënoni qytetarët e R. Maqedonisë. Dhe ne do të vazhdojmë të punojmë. Por në këtë moment, në këto kushte, kështu siç janë, nën përndjekje politike, nën terror politik, akuza të montuara nga gjyqësori Ruskoska, dënime të porositura nga gjykata Kacarska, përndjekja që i bëhet VMRO-DPMNE-së ndaj funksionarëve të tanishëm dhe të mëparshëm, ndaj tyre dhe familjeve të tyre, thjesht nuk ka ambient. Në tavolinë tani nuk është vetëm Ligji për Prokurorinë Publike, tani në tavolinë duhet të gjendet tema kur zgjedhje të parakohshme parlamentare në Republikën e Maqedonisë./alsat m/

Continue Reading

Lajme

KSHZ-ja nxjerr rezultatet e para paraprake të zgjedhjeve lokale

Published

on

Kryetari i Komisionit Shtetëror të Zgjedhjeve, Aleksandar Dashtevski, në një dalje për shtyp, ka nxjerrë rezultat e para të kandidatëve që kanë fituar komunat që në raundi e parë dhe ato që shkojnë në balotazh, pas dy javësh, më 31 tetor.

Rezultatet parapake të zgjedhjeve lokale të 17 tetorit:

Haraçina shkon në balotazh, LSDM-BDI

Manastir shkon në balotazh LSDM-VMRO-DPMNE

Bogovina shkon në balotazh

Bevernica shkon në balotazh

Butel ka fituar VMRO-DPMNE-ja

Silevo shkon në balotazh VMRO-LSDM

Vevçan shkon në balotazh LSDM-VMRO

Vrapçisht shkon në balotazh ASH-BDI

Gazi Baba ka fitura në raundin e parë

Gjevgjeli shkon në balotazh LSDM-VMRO

Gradsko ka fituar VMRO-ja

Dibër shkon në balotazh BDI-ASH

Dimir Hasar shkon në balotazh VMRO-LSDM

Dollnen shkon në balotazh LSDM-BDI

Zhelinë shkon në balotazh Besa-BDI

Kërçovë shkon në balotazh BDI-VMRO

Kratov shkon në balotazh LSDM-VMRO

Kriva Pallanka fiton LSDM

Krushevë fiton LSDM

Kumanovë shkon në balotazh LSDM-kandidat i pavarur

Likovë fiton BDI

Kamenicë shkon në balotazh VMRO-LSDM

Makedonski Brod shkon në balotazh VMRO-LSDM

Ohër shkon në balotazh VMRO-LSDM

Continue Reading

Kosovë

Për humbjen në Prizren, Anton Quni ia lë fajin edhe horoskopit

Published

on

Kandidati i Lidhjes Demokratike të Kosovës për kryetar të Prizrenit, Anton Quni ka arritur t’i marrë vetëm 14,98% të votave në zgjedhjet e djeshme, ku doli i treti pas Mytaher Haskukës së Lëvizjes Vetëvendosje (40,43%) dhe Shaqir Totajt të Partisë Demokratike të Kosovës (31,10%).
Një nga faktorët për humbjen e djeshme, Quni tha se ishte edhe pozita e yjeve në horoskop. Ai tha se LDK-ja e filloi vonë fushatën në këtë komunë, ndërsa tha se beson që e kanë bërë më të mirën e mundshme, raporton Express.

“Është fakt që kemi filluar vonë. Kjo më shumë lidhet me shëndetin tim.

Thuajse nga salla e operacionit jam kyçur në fushatë. Besoj që e kemi bërë më të mirën që kemi mundur, me prezantimin e programit, me agjendën tonë, me takimet, me bashkëbisedimet, me promovimet e të gjithë atyre vlerave që ne i ofrojmë për qytetarët. Normal, kjo çështje varet nganjëherë edhe nga pozita e yjeve në horoskop. Këto nuk kanë qenë në favorin tonë”, tha Quni për Klan Kosovën.

Ai shtoi se ka pasur edhe faktorë tjerë që kanë ndikuar në rezultatin e këtyre zgjedhjeve.

“Janë edhe shumë faktorë të tjerë që ndikojnë. Krijohet një opinion. Vetë fakti se përsëriteshin sondazhet publikisht, tregohet sadopak se nga duhet të orientohet vota”, tha Quni.

Ai deklaroi se nuk kanë vija të kuqe për LVV-në dhe LDK-në që do të garojnë në balotazh.

“Me Z.Haskuka nuk kemi përvoja të mira”, tha Quni, i cili shtoi se “me seriozitetin më të madh do ta analizojmë situatën”.

Continue Reading

Lajme

Ja sa këshilltarë kanë partitë politike në Strugë

Published

on

Ja numri i 27 këshilltarve të rinj në Këshillin e ardhshëm komunal të Strugës, 2021-2025:

BDI- 10 këshilltarē
ASH-AA- 7 këshilltarë
VMRO-DPMNE- 5 këshilltarë
LSDM- 4 këshilltarë
BESA – 1 këshilltarë

Në Strugë do të ketë raund të dytë në garën për kryetar komune mes Ramis Merkos nga BDI dhe Idri Istrefit nga ASH-AAA.

Continue Reading

Aktuale