Connect with us

Kolumna

Edhe sa do të zgjasë zonja kancelare?

Published

on

Nga Nikolaus BlomeBILD

Kancelarja gjermane, Angela Merkel, 64 vjeç, u dridh sërish të mërkurën gjatë një ceremonie zyrtare. Ajo tha për mediat se ndjehet mirë dhe se nuk duhet të shqetësohemi për të. “Do jetoj edhe pak me këtë gjë,” tha Merkel. Një zëdhënës tha se bëhet fjalë për një problem psikologjik. Por sa do të shkojë kështu?

Angela Merkel dridhet. Ajo duhet ta mbledhë veten. Është imazhi i një gruaje të fortë që lufton me dobësitë e saj. Ajo po hesht për arsyet, duke qëndruar stoike deri në kokëfortësi.

Në një përzierje mes mëshirës dhe pafuqisë, shumica e gjermanëve dhe medias rreth globit po bëjnë sehir.

Përse po e bën ajo këtë?

Në vitin 1997, ministrja e atëhershme e mjedisit, Angela Merkel, shkruante një fjali të tillë në një libër: “Do të doja të gjeja kohën e duhur për të dalë nga politika. Është shumë më e vështirë nga sa e kam imagjinuar ndonjëherë. Por nuk dua të katandisem në një gërmadhë gjysmë të vdekur”.

Kancelarja nuk është gjysmë e vdekur, natyrisht. Por duket se e ka humbur kohën e duhur për t’u larguar. Dridhja e pakontrolluar është një simbol i shëmtuar i kësaj.

Në gusht të vitit 2010, dy kryeministra landesh të CDU deklaruan dorëheqjen vullnetare nga të gjitha detyrat. Angela Merkel tregoi mirëkuptim. Që të dy kishin qenë në detyrë për rreth dhjetë vjet, çka është e mjaftueshme, pati thënë ajo.

Dhjetë vjetët e saj skaduan në vitin 2015, por ajo qëndroi. Në atë kohë, në verë, kriza greke dhe ajo e refugjatëve u bashkuan me njëra-tjetrën. Dorëheqje në atë fazë? Për Merkel, kjo nuk vihej në diskutim, pasi dukej si dezertim: Ndjenja e detyrës, përkushtimi ndaj punës dhe vullneti për t’i treguar të gjitha, ishin më të forta.

Është krejt e mundur që kancelarja ndjen keqardhje për këtë sot- siç ndoshta edhe për vendimin që të merrte pjesë sërish në zgjedhjet parlamentare në vitin 2017. Ajo e dinte që nga dita e parë se largimi i saj do të ishte një çështje diskutimi. Po ashtu e dinte se kjo do hidhte hije që në fillim mbi mandatin e saj të fundit. Konkurrimi ishte një gabim- të paktën në retrospektivë duhet të gjykojmë kështu. Megjithatë, kufizimi i mandateve të kancelarëve me ligj deri në dhjetë vjet, do të ishte i gabuar. Votuesi dhe askush tjetër nuk duhet të kufizojë periudhat e mandateve në demokraci, kjo do të thotë: t’i japësh fund.

Angela Merkel donte një largim të vetëpërcaktuar nga politika, si njeri i lirë dhe jo si një rrënojë. Sa më gjatë të hezitojë, aq më pak gjasa ka që të ketë sukses.

Continue Reading

Kolumna

Apel i mërgimtarit shqiptar: Struga kërkon ndryshimin, sepse nuk duron ktherat e krimit!

Published

on

By

Apel i mërgimtarit shqiptar: Struga kërkon ndryshimin, sepse nuk duron ktherat e krimit!

Krimi asnjëherë nuk ka qenë pjesë e identitetit strugan. Struga jonë gjithmonë është identifikuar me vlera të larta, me arritja të mëdha në arsim, shkencë e kulturë, por edhe me figura të ndritura të çështjes kombëtare.

Krimin në Strugë na e solli tjetërkush. Na e sollën të kamufluar me vlera të rrejshme patriotike dhe, tinëzisht u futën në komunën tonë, duke na sjellur njerëz të dyshimtë, që asnjëherë nuk i kanë dalë në ballë çështjes kombëtare. Erdhën të grabisin, çka mund të grabitet, e akoma nuk po largohen, sese pas çdo mandati u rriten apetitet grabitqare.

Mirëpo gjatë historisë Struga ka treguar se nuk duron kthetrat e krimit. Struga tregon durim e mençuri kur e k ërkon nevoja, por asesi nuk e duron krimin.

Struga historikishit u ka pri ndryshimeve në të mirë të shqiptarëve. Struga edhe tani është e vedosur t’u japë grusht atyre që e njollosën emrin e qytetit dhe komunës sonë, sepse krimi është njolla më e madhe e një qyteti, komune, shteti dhe një kombi. Për këtë arsye ndryshimi është i domosdoshëm, sepse këtë na e kërkojnë edhe brezat e moshuar, por edhe brezat e rinj që po vijnë, e që ardhmërinë e tyre e shohin në vendlindje.

Këtyre ndryshimive tani u prin Zijadin Sela me Idri Istrefin, të bashkuar me diasporën. E kur diaspora bashkohet me njerëz trima, atëherë ndryshimi është i pashmangshëm. Askush nuk mund t’i ndalë mijëra mërgimtarë që janë nisur për në vendlindje me vullnet të fuqishëm për të sjellë ndryshimin. Mijëra mërgimtarë janë të vendosur që të përmirësojnë padrejtësinë e para katër viteve, kur me një eksperiment të pistë iu vodh fitorja e sifurtë Zijadin Selës. Ata e kanë dëshmuar në të kaluarën patriotizmin e tyre, do ta dëshmojnë edhe më 31 tetor!

Musa Paçuku, Nju Jork, SHBA

Continue Reading

Kolumna

Të gjithë kundër krimit dhe interesit klanor

Published

on

Shkruan Premtim Dema

Tragjedia në Strugë lidhet me një emër dhe një parti, Ramiz Merko dhe BDI.

Mburrja e fitores nga ane e Merkos dhe argateve të tij është sa për të ardhur keq por aq edhe një realtet i nje shoqerie te kapur peng. Kjo u verejt më mirë në komunitetin Shqiptar, Turk dhe Torbesh dhe kjo ka të bëjë me lidhjet e interesave të ngushta klanore, shoqërore dhe të punsimeve pa bazë në dëm të taksapaguesve struganë.

Ne tre mujorin e fundit BDI e Struges deri sot ka berë pusnime te ba baza, ka dhëne tendere dhe ka shtruar asfalt pa kriter dhe pa plan. Keta jane te ashtuquajturat projektet e Merkos, në bashkpunim me mafien urbane dhe me ineresxhinjte të punsimit administrativ që janë në dëm të qytetarve Struganë.

Për fat të keq kjo është një fitore me kosto te madhe për shoqërinë tonë, qe mbahet aq e paster por eshte aq e vobeket se e vjedh vetveten.

E uroj Idri Istrefin për fitoren ne Struge dhe të mburret me atë që ai ka bërë për pak kohë kundër një aparati mafiozo-sheteror.

Votat që mori Idri Istrefi ishin votat e qytetarve pa interes klanor, nga ata qytetar që duan Strugën të pastër nga virusi i krimit shtetror.

U bëj thirrje të gjithe atyre që kanë dhe që duan Strugën le ti mendojnë mirë pasojat kur e hedhin votën në kuti. Se kostoja për një vend pune të pa merituar është e madhe për femijën, nipin, mbesen tuaj.

Vota bën ndryshimin dhe ju foj që së bashku nga perendimi deri ne Strugë të tregojmë se dijmë të bëjme më shumë se kaq.

Continue Reading

Kolumna

“Shani” me votë ditën e zgjedhjeve, nëse nuk e bëni atë ditë, mos u “shani” asnjëherë!

Published

on

Shkruan: Hasim Memishi – Sopi, Aktor

“SHANI” ME VOTË!

Politikanët e marrin fuqinë nga populli me anë të votës, prandaj më mirë është të “shahemi” me votë!
Nesër, mos votoni ata që kanë kaluar nga “shiltet” në gucci!
Nesër ju jeni fuqia, prandaj duhet t’i ndëshkoni me votë!
Nesër, Ne ua japim pushtetin e tenderit, korrupsionit, manipulimit, ofendimit, nënçmimit, përçmimit e “shitpordhjes”
Mos votoni ata që kanë blerë diplomat;
Mos votoni arrogantët injorant!
Mos votoni keqpërdoruesit!
Mos votoni amatorët, abuzuesit!
Mos votoni ata që janë bërë milioner vetëm duke bërë selfi!
Shani ditën e zgjedhjeve, sepse atë ditë shajnë të mençurit!
Mos e shitni votën për një thes miell, për një punë në administratë, për një premtim bosh, për premtimet për BE me dekada të tëra!
“Shani” me votë nesër, nëse nuk e bëni nesër, mos u “shani” asnjëherë!

P.s: unë çekaç di t’ju thom, prap Ju e dini ma majr!

Continue Reading

Aktuale