Lajme

Basha riorganizon partinë, cakton koordinatorët

Published

2 years ago

13.07.2019

A.H

Lulzim Basha kërkon që Partia Demokratike të përfundojë në mënyrë kapilare organizimin e strukturave të saj në të gjithë Shqipërinë. Nëpërmjet një urdhri të marrë së fundmi, Basha kërkon që deri në datën 20 korrik degët duhet të bëjnë kalendarin e punës për deri në 31 gusht, që është afati maksimal për kryerjen detyrave dhe monitorimin e tyre nga grupi i punës.

Një grup i posaçëm pune do të monitorojë përmbushjen e disa detyrave organizative nga strukturat lokale. Këto detyra nuk janë trajtuar si prioritare për shkak të angazhimit intensiv me protestat, por tani Basha kërkon që situata do të ndryshojë.

Ky grup pune përbëhet nga 24 koordinatorë që mbulojnë 70 degët e Partisë Demokratike. Koordinatori ka për detyrë të ndjekë të gjithë procesin e përmbushjes së detyrave dhe përgjigjet për veprimtarinë e tij përpara Kryetarit të Partisë.

Midis koordinatorëve janë përzgjedhur Gazment Bardhi dhe Ahmet Prençi për në degën e Shkodrës, Flamur Noka në Elbasan, Sahit Dollapi dhe Endri Hasa në Korçë, Enkelejd Alibeaj në Dibër, etj.

Për të qenë sa më efektiv, ky grup ka në përbërje individë që nuk kanë konflikt interesi me degët, pra, nuk janë deputetë aty, apo nuk kanë qenë të deleguar në nivel qarku për organizimin e partisë dhe më pas të protestave.

Basha ka kërkuar të afrohen personat me kontribute historike në parti, duke e kombinuar me afrimin e grave dhe të rinjve.

Top Channel

Lajme

Tërmet në Mavrovë

Published

4 mins ago

17.10.2021

Redaksia

Një tërmet ka ndodhur mëngjesin e sotëm në afërsi të Mavrovës.

Në orën 07:23 tërmeti tronditi pjesën perëndimore të vendit, pranë Mavrovës. Tërmeti ishte 2.2 të shkallës Rihter.

Epiqendra ishte 14 km në jugperëndim të Gostivarit.

Në rajon, ka pasur tërmete sot në Greqi./Telegrafi/

Kosovë

Kandidati serb shkon në qendrën e votimit me ‘stiker’ në gojë

Published

11 mins ago

17.10.2021

Redaksia

Qytetarët e Kosovës po e shfrytëzojnë të drejtën për të votuar në zgjedhjet lokale që po mbahen sot.

Deri më tani pjesëmarrja më e madhe e qytetarëve është shënuar në Mitrovicë të Veriut.

Lideri i Iniciativës “Srpski Opstanak”, Dushan Millunoviq është fotografuar në një nga qendrat e votimit atje, por paraqitja e tij ka tërhequr vëmendjen.

Ai është shfaqur me sticker të vendosur në gojë.

Millunoviq është kandidat për këshilltar komunal në komunën e Mitroviës Veriore.

Theksojmë se deri në ora 11, pjesëmarrja e qytetarëve në votime në gjithë Kosovën është 8.2%.

Kosovë

Voton Vjosa Osmani: Shpresoj që zgjedhjet sot të kalojnë pa asnjë incident (Video)

Published

15 mins ago

17.10.2021

Redaksia

Presidentja e Kosovës, Vjosa Osmani ka ftuar te gjithë qytetarët e Kosovës që të dalin të votojnë për zgjedhjet lokale të cilat po mbahen në terë territorin e Republikës së Kosovës. Ajo ka thënë se ky proces është tejet i rëndësishëm për jetën e të gjithë qytetarëve.

Presidentja Osmani është deklaruar pasi ka votuar në qendrën e votimit në Fakultetin Teknik.

“Sot qytetarët tanë pa dallim në çdo cep te vendit tonë, në çdo komunë votojnë për kualitetin e jetës së tyre, votojnë për komunat e tyre, votojnë për udhëheqësinë e cila do ta determinojë edhe mënyrën se si në katër vitet e tyre do të jetë jeta në komunat ku ata jetojnë. I ftoj që në numër sa më të madh të marrin pjesë në këtë proces zgjedhor, ta dëshmojnë sërish që qytetarët e Kosovës janë ata që në radhë të parë e mundësojnë e në radhë te dyte e mbrojnë çdo proces demokratik, çdo proces të lirë dhe të drejtë që ka të bëjë me jetën e tyre. Shpresoj që zgjedhjet sot të kalojnë pa asnjë incident”, ka thënë Osmani.

E para e shtetit të Kosovës ka bërë thirrje për respektim të masave antiCOVID.

Osmani ishte e shoqëruar nga bashkëshorti dhe dy vajzat e saj.

https://alsat.mk/wp-content/uploads/2021/10/Voton-Vjosa-Osmani.mp4?_=1