Connect with us

Argëtim

Balla apo Fevziu? Garë e fortë mes dy moderatorëve

Published

on

Në mes të këtij zhegu përvëlues të muajit korrik, befas mbërriti edhe kulmi i rivalitetit të madh, mes dy udhëtarëve të famshëm të rruzullit tonë tokësor, Sokol Balla dhe Blendi Fevziu.

Pak  ditë më parë, Sokol Balla, zbarkoi në Brazil, ku përmes një vizite spektakolare, kaloi dymbëdhjetë pikë më lart se rivali i tij,  Fevziu, i cili përcillte foto në rrjetet sociale, vetëm me zhytje në fshatrat e jugut të Shqipërisë,  duke zbritur në mënyrë dramatike në klasifikim. Sikur të mos mjaftonte kjo, Balla i dha Fevziut edhe një goditje gati knock-out, kur kërceu  dhe këndoi bashkë, në plazhin e Copacabanës, nën ritmin e këngës “Rio”, të Ledri Vulës.

Pas publikimit të kësaj video nga shumë media online në Shqipëri dhe sidomos pas botimit të fotografisë së Ballës, me ish futbollistin e famshëm argjentinas, Ramon Diaz, Fevziu nuk e deshi më veten.

Pa u menduar gjatë, ai prenotoi biletat në të njëjtin kontinent, për në Perunë e largët, me qëllimin jo vetëm për t’ju afruar në klasifikim, por edhe për ta kaluar në momentin më të përshtatshëm, Ballën.

Pasi zbriti dhe u shplodh disa orë në kryeqytetin Lima, Fevziu udhëtoi në lartësinë afërsisht 4 mijë metra  mbi nivelin e detit, duke shkuar në zemër të njërës prej shtatë mrekullive të botës, Machu Pichu.

Pas këtij veprimi raskapitës, diferenca u ngushtua mjaft, aq sa, për të  analizuar, hulumtuar dhe klasifikuar me objektivitet këto udhëtime, u ngrit një Bord ad hoc me mandat dy vjeçar,  i cili u mblodh dje dhe përcaktoi klasifikimin real të këtyre dy udhëtarëve të botës. Ky Bord përbëhet nga anëtarët e shoqërisë civile dhe medias, përkatësisht nga:

Remzi Lani – Kryetar Bordi

Iris Luarasi – Anëtare

Albert Rakipi: Anëtar

Pirro Misha: Anëtar

Eni Vasili: Sekretare statistikore (pa pagesë, vetëm 10 mijë lek në muaj për shpenzime administrative)

Kujtim Gjuzi: Sekretar për Marëdhëniet me Parlamentin (me pagesë sipas rregullit)

Blendi Klosi: Gjoja si Ministër i Turizmit

Në përfundim të takimit, përsëri në krye të klasifikimit, por me një diferencë minimale, mbeti Sokol Balla, për shkak të një ekstravagance të rrallë në kërcim dhe pamjes shumë kontemporane, për shkak të tatuazheve, komponentë të cilët Fevziu i ka shumë të vështirë për t’i arritur, edhe pse ka mbërritur çdo gjë në këtë botë, me emisionin “Opinion”.

Në orët e ardhshme, Bordi pret ankimime nga pala e klasifikuar e dyta, pra nga Fevziu. Sapo të mblidhet Bordi, ne do t’ju njoftojmë duke publikuar të gjitha përfundimet e mbledhjes.

PS. Ndiqni më poshtë disa copëza nga udhëtimet respektive të konkurentëve, përfshirë këtu edhe videon epike të Ballës me këngën  në formë vallëzimi në Copacabana. /TPZ.al/

Continue Reading

Argëtim

Gazetari nuk mban dot të qeshurën, elefanti e ndëpret gjatë transmetimit dhe e kap nga hunda /VIDEO

Published

on

By

Gazetari nuk mban dot të qeshurën, elefanti e ndëpret gjatë transmetimit dhe e kap nga hunda

Një gazetar është përfshirë në një skenë qesherake teksa ka shpërthuer në të qeshura kur një elefant me noçkën e tij fillon të prekë në fytyrë dhe e kap nga hunda.

Gazetari Alvin Kaunda po xhironte një pjesë në kamera nga një qendër e foshnjave të elefantëve në Kenian jugore, kur filloi të ndjente një përkëdhelje në kokë e më pas në fytyrë e hundë.

Kaunda po raportonte se si po kujdeseshin për elefantët e vegjël në jetimore gjatë një thatësire për Korporatën Transmetuese të Kenias.

Continue Reading

Argëtim

Qeveria japoneze në ‘hall’ të madh, të rinjtë e vendit nuk pinë alkool

Published

on

By

Qeveria japoneze në ‘hall’ të madh, të rinjtë e vendit nuk pinë alkool

Japoni- Qeveria japoneze është goditur rëndë në financat e saj nga një problem i pazakontë; të rinjtë e saj nuk pinë alkool mjaftueshëm.

Prej fillimit të pandemisë, baret dhe ambientet e tjera që shesin alkool u goditën rëndë nga kufizimet e Covid-19 , duke bërë që shitjet dhe të ardhurat nga taksat e pijeve të bien ndjeshëm.

Për këtë arsye autoritetet ndërmorën një zgjidhje mjaft të çuditshme. Ajo nisi një fushatë për të gjetur mënyra të reja për të inkurajuar të rinjtë të pinë më shumë.

Fushata quhet “Sake Viva!” dhe mbikëqyret nga Agjencia Kombëtare e Taksave. Ajo fton pjesëmarrësit të paraqesin ide se si të stimulojnë kërkesën tek të rinjtë për alkool përmes shërbimeve të reja, metodave promovuese, produkteve, dizajneve dhe madje edhe teknikave të shitjes duke përdorur edhe inteligjencën artificiale ose metaverse.

Konkursi përfshin ide promovuese për të gjitha llojet e alkoolit japonez, me aplikimet që do të qëndrojnë të hapura deri më 9 shtator. Finalistët do të ftohen në një konsultim ekspertësh në tetor, përpara një turneu final në nëntor në Tokio. Fituesi do të marrë mbështetje për planin e tij për t’u komercializuar. (noa.al/M.D)

Continue Reading

Argëtim

Blenë valixhen në ankand, familja shokohet nga ajo që gjen brenda saj

Published

on

By

Blenë valixhen në ankand, familja shokohet nga ajo që gjen brenda saj

Policia ka filluar hetimet pasi një familje gjeti mbetje njerëzore në valixhen që blenë nga një ankand në Zelandën e Re. Banorët e një shtëpie në South Auckland bënë zbulimin e frikshëm pasi hapën sendet e blera në banesën e tyre, shkruan BBC.

Policia ka filluar hetimet për vrasje dhe po tenton të identifikojë mbetjet njerëzore. Nuk besohet se familja që bleu valixhet është e përfshirë në vrasje. Policia e Zelandës së Re nuk ka dashur të jap më shumë komente, duke theksuar se po bëhet ekspertiza e mbetjeve.

Zyrtarët e policisë kanë thënë se prioriteti i tyre është “konfirmimi i identifikimit të të ndjerit, në mënyrë që të mund të përcaktojmë rrethanat e plota pas zbulimit”.

Ata shtuan, duke pasur parasysh “natyrën e zbulimit”, do të duhej kohë që të gjendeshin të afërmit.

Continue Reading

Aktuale