Connect with us

Lajme

Edhe Milçin komenton objektin pa leje të këshilltarit të BDI-së

Published

on

Pas ceremonisë së hapjes së picerisë në Ohër, një objekt ndërtimi pa leje, koment ka bërë edhe profesori dhe regjisori Vladimir Milçin, njëherit edhe ish drejtor i fondacionit “Shoqëri e Hapur”, transmeton in7.tv.

“Kjo foto është një halë në syrin e të gjithë atyre që luftuan dhe do të luftojnë për drejtësi dhe më shumë të drejta. Një mesazh i guximshëm: NE MUNDEMI GJITHCKA, BRE! Ikni së bashku me UNESCO-n! Tregu partiak po shkel gjitçka pa marrë parasysh edhe sensin e përbashkët dhe triumfin në zemër të Ohrit, karshi RAPIT. Nëse mund të gënjesh UNESKO-n, mund të shkelësh zërin kritik dhe sensin e përbashkët.” ka komentuar ai, në rrjetin social Facebook.

Pronari i lokalit “Luna” është Nefi Useini, këshilltar nga BDI, kurse ndërtesa është e ndërtuar në tokë shtetërore dhe në zonën e mbrojtur nga UNESCO.

Në një prononcim për gazetarë Useini ka sugjeruar që ata më mirë të merren me ndërtimet tjera të paligjshme dhe atë ta lënë rehat.

“Ju lutem më lini të qetë, të mos jem i pakulturuar, ju mund të merreni me ndërtimet tjera ilegale,” – ka thënë shkurt Useini për “TV24 vesti”.

Ohri dhe Struga në muajt e fundi kanë qënë temë debati e akuzash për uzurpime plazhesh, ndërtime të egra, djegie të kallameve dhe katastrofë ekologjike. /in7.tv/

Continue Reading

Lajme

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Published

on

By

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Maqedonia, Bullgaria dhe Shqipëria do të nënshkruajnë memorandumin trepalësh që do të nënshkruhet sot në Sofje.

Sipas njoftimeve nga kabineti i ministrit të Transportit, Blagoj Boçvarski po udhëton sot në Bullgarinë fqinje.

Ky memorandum është për përfundimin e Korridorit 8 dhe sipas qëllimit të deklaruar është përcaktimi i gatishmërisë së tre vendeve për planifikim afatgjatë dhe zhvillim të koordinuar të Korridorit 8 me fokus në projektet që janë me rëndësi më të madhe për rajonin dhe gatishmërinë për të zbatuar masat për transport të shpejtë dhe të pandërprerë të mallrave në pikat kufitare./Telegrafi/

Continue Reading

Lajme

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Published

on

By

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Një tërmet i fortë ka shkundur mëngjesin e sotëm Greqinë ndërsa është ndjerë edhe në disa shtete të tjera.

Tërmeti ra 156 kilometra në juglindje të ishullit Karpathos në Greqi dhe ishte me magnitudë 6.1 i shkallës Rihter. Thellësia ishte 66.3 kilometra nën tokë.

Lëkundjet e forta u ndjenë edhe në ishullin e Kretës, që javët e fundit është tronditur nga disa tërmete. Ky tërmet është ndjerë edhe në Egjipt e Izrael, kanë raportuar mediat e këtyre vendeve.

Continue Reading

Kosovë

Vërtetohet pafajësia e ish-ministres së Kosovës

Published

on

By

Vërtetohet pafajësia e ish-ministres së Kosovës

Kolegji penal i Gjykatës së Apelit të Kosovës ka refuzuar si të pabazuar ankesën e Prokurorisë Themelore në Prishtinë, duke liruar nga akuza ish-ministren Meliza Haradinaj Stublla pasi që nuk është vërtetuar se e njëjta e kryer veprën penale mos raportimi apo raportimi i rremë i pasurisë, i të ardhurave, i dhuratave, i dobisë tjetër materiale ose detyrimeve financiare.

Ndaj aktgjykimit të lartcekur, ka paraqitur ankesë Prokuroria Themelore në Prishtinë, duke i propozuar kolegjit penal të Gjykatës së Apelit të Kosovës, që ankesa të aprovohet, ndërsa çështja penale t’i kthehet gjykatës së shkallës së parë në rigjykim.

Kolegji penal i Gjykatës së Apelit të Kosovës pas shqyrtimit të të gjitha shkresave të lëndës dhe vlerësimit të pretendimeve ankimore, ka konstatuar se ankesa e Prokurorisë Themelore në Prishtinë është e pabazuar, pasi që aktgjykimi i lartcekur i Gjykatës së Themelore në Prishtinë, nuk është përfshirë në asnjë shkelje ligjore, për faktin se nga provat e administruara nuk është vërtetuar se e akuzuara Haradinaj -Stublla, ta ketë kryer veprën penale për të cilën ishte akuzuar, andaj edhe me të drejtë është liruar nga akuza./21Media

Continue Reading

Aktuale