Edhe këtë verë të gjithë ata që do të kalojnë pushimet në bregdetin shqiptar do të udhëtojnë në një rrugë të pasigurt që të çon në pikën kufitare të Qafë Thanës. Më sinjalistikë të pamjaftueshme dhe plot gropa, udhëtimi në të përbën rrezik jo vetëm për turistët, por edhe për banorët e vendbanimeve aty pranë, shkruan Alsat.

“Siç po kalon koha, do të jetë kështu kohë të gjatë. Rruga është shumë e rrezikshme. Kur bie shi apo edhe në dimër është shumë e vështirë për të vozitur, vrimat hapen nga shiu dhe ato nuk duken. Nuk është shënuar asgjë. As vijat nuk vërehen e asgjë tjetër”, banor.

“Ka pasur premtime të shumta nga shteti gjatë viteve të fundit se rruga që të çon në pikën kufitare Qaf Thanë me Shqipërinë fqinje do të riparohet. Por nga premtimet mbetën vetëm fjalët. Ekipi i Alsat edhe sot ka vërejtur makina që kthehen apo shkojnë drejt Shqipërisë, pasi sot është ditë jo pune”, raporton gazetari i Aslat, Miki Trajkovski

Për rehabilitimin e kësaj rruge të gjatë 19 kilometra janë siguruar 8 milionë euro nga BERZH, thonë nga Ndërmarrja publike “Rrugët Shtetërore”. Për këtë rrugë si dhe për rehabilitimin e pesë rrugëve të tjera është shpallur tender për realizimin e punëve ndërtimore. Tani në proces është vlerësimi i ofertave të arritura. /Alsat.mk

Punë dhe përkushtim për çdo lagje dhe çdo shtëpi!

✅Vazhdojnë me intensitet të lartë punimet në fshatin Balindoll për kyçjen në gypat e ri të ujësjellësit në kuadër të projektit SECO.

🤝Me përfundim të këtij projekti, problemi me furnizim të ujit për pije gjatë stinës së verës në disa fshatra dhe lagje të qytetit do të jetë i zgjidhur.

#Kujdesemi

Të shkatërruara dhe me gropa, e diku edhe të arnuara.

Kështu duken rrugët të cilët të shpien në një nga vendet më të frekuentuar nga turistët në Kanionin e Matkës, vetëm 15 km larg qendrës së Shkupit.

“Edhe pse ka filluar sezoni turistik në Kanionin e Matkës ende disa pjesë të rrugës po vazhdojnë të mbesin të pa rregulluara”, raporton Remzije Bilalli, gazetare e TV21.

Edhe qytetarët që takuam aty thonë është turp që ky vend kaq i bukur të lihet pas dore.

“Rruga duhet të ndërtohet dhe jo tani por duhej para shumë vitesh. Kjo tani është katastrofë nuk i ngjan një vendi turistik, rruga është për askund. Është turp se çfarë shohin njerëzit, në veçani për dje. Dje ishte e diel, trafik të tillë të rrëmujshëm nuk kam parë në 50 vitet e mia, këtu jetoj për 50 vite dhe rrëmujë të tillë nuk kam parë. I gjithë trafiku u ngurtësua as policia nuk mund të ndihmonte e as shoferët vetes. Kjo u zvarrit me orë të tëra. Në çdo vikend bëhet kështu? Po pothuajse por dje ishte diçka speciale”

“Unë mendoj, se po ne nuk kemi pasur mundësi që të shkojmë lart ende por sigurisht do të shkojmë më vonë dhe ka disa gropa por mendoj se mund të ecim pa problem. Do ishte mire nëse do të kishte akses më të mire për turistët që vini në Matkë por siç e shoh tani është gjendje të mire vetëm për të ecur në këmbë”

Pyetëm në Komunën e Sarajit se kur do të bëhet riparimi i kësaj rruge, por nuk arritëm të marrim përgjigje.

Ndryshe Kanioni I Matkës është zone e mbrojtur si monument e përveç mungesës së infrastrukturës, vendparkimit, mollë sherri kanë qenë edhe ndërtimet e egra përreth liqenit.