Connect with us

Bota

Ku është gabimi strategjik i BE-së në lidhje me zgjerimin e saj në Ballkan

Published

on

Nëse fjalët do të flisnin më shumë se veprimet, është e sigurtë se Ballkani do të hynte një ditë në Bashkimin Evropian. Mjerisht, garancitë e dhëna nga zyrtarët e BE-së në Poloni javën e kaluar, se zgjerimi i unionit është një “prioritet i madh”, e shpërfill realitetin e pashmangshëm se BE-ja nuk është realisht gati të zgjerohet.

Sigurisht, zgjerimi i BE-së në një rajon ku mosmarrëveshjet mes popujve për kufijte kanë qenë një burim destabiliteti, është tepër domethënës. Për këtë arsye, në 10-vjeçarin e fundit Brukseli i ofroi Ballkanit një pakt:braktisni planet tuaja për të krijuar shtetet-kombe, bëni paqe me fqinjët, ndërmerrni reformat e duhura dhe në fund do të bëheni pjesë e BE-së, me të gjitha përfitimet që nënkupton ky anëtarësim – para, liri, respekt e kështu me radhë.

Në përgjithësi, oferta u pranua. Edhe në Serbi, vend që për vite është sunduar nga udhëheqës nacionalistë të vijës së ashpër, votuesit zgjodhën një qeveri e cila është e gatshme të njohë shtetin e pavarërur të Kosovës, të populluar në shumicë nga shqiptarët, në këmbim të mundësisë së anëtarësimit në BE.

Por pastaj ndodhën edhe ngjarje të tjera rrugës, veçanërisht kriza financiare e vitit 2008, e cila u shndërrua në një krizë ekonomike, dhe më pas një krizë politike të plotë që paralizoi institucionet e BE, dhe shkaktoi një reagim anti-establishment.

Me procesin e integrimit jashtë prioriteteve kryesore, BE është detyruar ta tërheqë ofertën e saj të dikurshme të anëtarësimit për vendet e Ballkanit, teksa udhëheqësit politikë në vende të tilla si Franca, Hollanda dhe Danimarka, i japin më shumë përparësi mbijetesës së BE-së, sesa zgjerimit të saj saj në lindje.

Shqetësimi i tyre i menjëhershëm, është të shmangin dhënien e arsyeve shtesë partive euroskeptike, që të forcojnë retorikën e tyre mbi Ballkanin si një parajsë e krimit, emigracionit të paligjshëm dhe islamit radikal, që mund të shkatërrojnë BE-në, nëse këto vende do jenë një ditë pjesë e unionit.

Në një periudhë me afatgjatë, nëse përfshirja e një serie shtetesh ballkanike të varfëra dhe të trazuara, do ndikonte në dobësimin e një BE-je tashmë të brishtë – siç mendon presidenti francez Emanuel Makron  – atëherë rezulton se zgjerimi nuk mund të lejohet të ndodhë.

Në këtë situatë, nuk ishte habi që liderët evropianë hodhën sërish poshtë muajin e kaluar një rekomandim nga zyrtarët e Bashkimit Evropian, për të hapur negociatat e anëtarësimit me Shqipërinë dhe Maqedoninë e Veriut. Në mënyrën e tipike të Brukselit, udhëheqësit nuk i dhanë një “jo” kategorike, por se do e rishikojnë këtë çështje në tetor.

Por mesazhi ishte i qartë:derisa BE të kapërcejë problemet e saj të shumta të brendshme – gjë që nuk shpresohet të ndodhë shpejt – Ballkani nuk do t’i bashkohet dot unionit. Pra, ku mbetet ky rajon? Nëse integrimi ishte një lloj spirance për t’iu larguar problemeve që lindin kryesisht etnike, atëherë mungesa e integrimit do të thotë se këto probleme do të vazhdojnë të jenë aty.

Dhe kjo nga ana tjetër, kjo do të thotë që elitat politike lokale në Ballkan, të cilat janë investuar aq shumë në një politikë deri tani të dështuar të integrimit evropian, do të përqafojnë një nacionalizëm deri tani “të fjetur”, si një mjet për të ruajtur legjitimitetin e tyre.

Në fakt, ky është më pak një parashikim mbi të ardhmen, dhe më shumë një përshkrim i një realiteti në zhvillim. Ndërsa shpresat e Shqipërisë për t’ju bashkuar BE-së po zbehen, qeveria e saj po ndërmerr tashmë hapa për të bashkuar vendin me Kosovën, shtetin më të ri në Evropë, shansi më i mirë i të cilit për t’i dhënë fund injorimit nga institucionet ndërkombëtare, është bashkimi me shtetin e njohur të Shqipërisë.

Kjo gjendje po ndryshon llogaritë politike edhe në Beograd, ku qeveria që po fillon të kuptojë se Serbia mund të mos i bashkohet kurrë BE-së, ka kërcënuar në javët e fundit se do të vendosë ushtrinë e saj në një enklavë të populluar nga serbët në veri të Kosovës, nëse rrezikohet popullsia lokale atje.

Dhe lëvizje të tilla, do të kenë pasoja më të gjera. Serbët në Bosnje, mezi presin që të shpëputen nga federata boshnjake dhe t’i bashkohen Serbisë. Ngjashëm, edhe Maqedonia e Veriut mund të mos i shpëtojë pasojave nga ndonjë riorganizim kufijsh në rajon.

Tani për tani, pakica e pakënaqur shqiptare po qëndron e qetë, teksa po përpiqet të përmirësojë sa më shumë pozitat e saj në një shtet me shumicë sllave. Por nëse Shqipëria dhe Kosova, po formojnë një shtet kombëtar shqiptar, shqiptarët e Maqedonisë së Veriut do të duan me siguri të jenë pjesë e tij.

Nuk ka të ngjarë që ndryshime të tilla dramatike të mund të ndodhin pa dhunë, në një rajon ku territori është thellësisht i kontestuar. Serbët, shqiptarët, boshnjakët dhe maqedonasit pretendojnë të gjithë territorin që është formalisht pjesë e shtetit “të tyre”, por të banuar nga të tjerët, dhe nuk do t’u lejojnë këtyre “të tjerëve”  që t’ua marrin pa luftë këtë territor.

Kjo na kthen sërish tek samiti i Poznanin në Poloni BE-Ballkanit Perëndimor, ku paqartësitë mbi zgjerimin e unionit kanë një efekt realisht të dëmshëm, dhe me pasoja potencialisht destabilizuese. Dhe kjo kërkon një reagim shumë të ndryshëm nga udhëheqësit evropianë.

Ata duhet të mos bëjnë më thirrje të kota, për integrimin e një rajoni që nuk mund të integrohet, por të dalin me një plan për menaxhimin e riorganizimit të tij, në mungesë të ndonjë integrimi. Në fakt, ka pak shanse që udhëheqësit e BE-së të ngrihen në lartësinë e detyrës,  pasi ata janë të zënë me problemet në vendet e tyre.

Ndërsa nuk munden ta mbajnë premtimin e vjetër për integrimin e Ballkanit, atyre u mungojnë ndërkohë edhe mjetet, për të mbikëqyrur tranzicionin e ndërlikuar të një rajoni të copëtuar në shtete të reja kombëtare./Përktheu dhe shqipëroi in7.tv/

BURIMI: https://theglobepost.com/2019/07/10/eu-enlargement-balkans/

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Bota

Është zgjidhur misteri i deleve që bënin rrethin në Kinë!

Published

on

By

Është zgjidhur misteri i deleve që bënin rrethin në Kinë!

Javën e kaluar, një video e deleve në Kinë duke lëvizur në rrathë për 12 ditë u bë virale në mediat sociale

Pronari i fermës tha në atë kohë se nuk mund ta kuptonte pse kjo sjellje ishte zhvilluar tek delet dhe pasi videoja origjinale u publikua nga kanali shtetëror kinez People’s Daily, ai tha se delet ishin të shëndetshme.

Menjëherë pas publikimit të videos, u zhvilluan teori konspirative që shkuan aq larg sa flisnin për shenja që tregonin “fundin e botës”.

Sipas shkencëtarëve, megjithatë, shpjegimi për sjelljen e deleve ka shkaqe krejtësisht natyrale dhe sigurisht që nuk lidhet me sëmundjen listeriozë, e cila mund të shkaktojë çorientim te kafshët, pasi të gjitha kafshët e prekura prej saj ngordhin brenda 48 orëve.

“Duket se këto dele janë mbajtur në një vend për një kohë të gjatë dhe kjo mund të ketë bërë që ato të sillen në mënyrë të çuditshme, pra të qarkullojnë për shkak të stresit të shkaktuar nga burgimi i tyre i gjatë”, tha profesori Matt Bell nga Departamenti i Bujqësisë i Universitetit. në Gloucester.

“Sapo filluan disa dele, pastaj u bashkuan të tjerat sepse janë kafshë tufe dhe duan të jenë me “miqtë” e tyre”, shtoi profesori britanik.

Continue Reading

Bota

Makina futet brenda një dyqani në SHBA, 1 viktimë dhe 19 të plagosur

Published

on

By

Makina futet brenda një dyqani në SHBA, 1 viktimë dhe 19 të plagosur

Një makinë ka përfunduar brenda një dyqani “Apple” në SHBA, duke i marrë jetën një personi dhe duke plagosur 19 të tjerë. Aksidenti i rëndë ndodhi në orët e para të mëngjesit, ndërsa autori dyshohet se ka humbur kontrollin e mjetit

“Një SUV me ngjyrë të errët kaloi me një shpejtësi marramendëse dhe goditi shumë njerëz”, tha prokurori i qarkut, ndërsa drejtuesi është ende i paidentifikuar.

Njësitë reaguese gjetën “shumë pacientë të plagosur para dyqanit dhe brenda në dyqan, ndërsa disa të tjerë ishin ngjitur pas murit nga automjeti”, tha shefi i zjarrfikësve gjatë një konference shtypi të hënën.

Apple lëshoi ​​një deklaratë duke thënë se “zemrat tona janë me anëtarët e ekipit dhe klientët tanë që u plagosën dhe të gjithë ata që u prekën nga ky incident i tmerrshëm”.

Dyqani Apple ndodhet në këndin e pasmë të dyqaneve luksoze Derby Street. Hyrja e dyqanit përballet me një parking të madh ku qindra vizitorë ecin çdo ditë.

Zona e blerjeve është veçanërisht e ngarkuar gjatë sezonit të festave, me dyqanin Apple dhe restorantet dhe dyqanet përreth që mbledhin turma të mëdha këtë kohë të vitit.

Continue Reading

Aktuale