Një aksident masiv ka ndodhur mbrëmjen e sotme në aksin e autostradës Milot- Mamurras. Janë përplasur me njëra tjetrën katër makina dhe njëra prej tyre shoqëronte ish-kryeministrin Sali Berisha në takimin e sotëm të “Foltores”.

Pas përfundimit të takimit ne Kurbin, përgjatë kthimit në kryeqytet njëra nga makinat e eskortës së Berishës është përfshirë në aksident.

Të lënduar lehtë nga aksidenti janë 3 persona. Ata po marrin mjekim në urgjencën e Laçit.

Grupi shoqërues i Berishës pretendon se i ka dalë para një makinë kundravajtje, e cila sipas tyre ka shkaktuar aksidentin. Makina ku udhëtonte Berisha sipas personave pranë stafit të ngushtë të tij nuk është aksidentuar. Ende nuk janë mësuar detaje të tjera si ka ndodhur aksidenti./GazetaLajm/

Deklarata e kryeministrit të Shqipërisë, Edi Rama pas mbledhjes së përbashkët të dy, Shqipërisë dhe Kosovës, se do të votonte bashkimin mes Shqipërisë dhe Kosovës ka zënë vend në titujt kryesor të mediave në Serbi.

Mediat serbe duke cituar kryeministrin shqiptar kanë komentuar deklaratën e tij dhënë sot në Elbasan pas takimit të dy qeverive.

Mediat serbe, pothuajse në kor, kanë dalë me titujt: “Rama: ‘Do të bashkohen Shqipëria dhe Kosova, por nuk e di kur’”, transmeton Telegrafi.

Rama tha sot se do të votonte hapur pro bashkimit me Kosovën dhe sipas tij një gjë e tillë do të ndodhë, por kur e si nuk e di.

“Kjo është pyetje a provokim. Në rast se më pyesni në hipotezën e një referendumi paqësor për bashkimin e Shqipërisë me Kosovën do të bëja një shkelje të Ligjit për fshehtësinë e votës, do të votoja hapur pro.

Tani në rast se më pyesni a do të ndodhë kjo apo jo, meqë më provokoni po provokoj edhe unë them se kjo do të ndodhë, nuk di kur do të ndodhë, si, por që kjo do të ndodhë një ditë, unë them që po”, ka thënë Rama.

Për bashkimin kombëtar u deklarua edhe kryeministri i Kosovës, Albin Kurti.

“Më dua më duket më shumë mos kuptim se keqkuptim. Bashkim kombëtar nuk është gjësend që e përzgjedhim ose zgjedhim, por një intencë kolektive që na zgjedh dhe përzgjedh.. prandaj nuk mund të vendosim ne mbi procese të tilla historike e të përcaktojmë data e mënyra…”, tha ai. /Telegrafi/

Ditën e sotme i është vendosur zjarri shtëpisë e 38-vjeçarit, Klodian Çalamani në fshatin Grecalli të Fierit, i cili pak ditë më parë vrau me kazmë dhe groposi në oborr fëmijën e fqinjit, Mateo Vasiu 8-vjeç.

Krimi makabër tronditi të gjithë vendin, ndërsa familja nisi mbledhjen e firmave për të kërkuar rikthimin e dënimit me vdekje.

Klodian Çalamani pas incidenteve në gjykatën e Fierit ditën që do të njihej me masën e sigurisë u dërgua në paraburgimin e Vlorës.

Çalamani ishte i papunë dhe jetonte kryesisht me ushqimet që i jepnin banorët e lagjes, si dhe familja Vasiu, së cilës i vrau djalin.

I mituri u denoncua nga familja si i zhdukur, ndërsa në orët e pasdites u zbulua i groposur në oborrin e 38-vjeçarit.

Ishte një kamerë sigurie që zbuloi se Mateo kishte kaluar për herë të fundit pranë banesës së Çalamanit me biçikletën që i kishte dhënë ky i fundit.

Policia arrestoi menjëherë autorin, ndërsa para hetuesve ai pranoi krimin, duke thënë se fëmija e kishte sharë./ Abcnews.al/