Connect with us

Kosovë

Rexhep Selimi komenton kurthin telefonik ndaj Zaevit: Thaçi vepron sipas skenarit të Moskës

Published

on

Deputeti i Vetëvendosjes, Rexhep Selimi në një konferencë për media ka thënë se pas publikimit të video-incizimit të kryeministrit të Maqedonisë së Veriut, Zoran Zaev me dy komikët rusë, shihet qartazi se presidenti i Kosovës, Hashim Thaçi ka plane të fshehta për ndarjen e Kosovës.

Selimi tha se presidenti i vendit për idenë e ndryshimit të kufijve, po vepron sipas skenarit të Moskës.

“Me qindra herë kemi paralajmëruar se Vuçiq ka plane të fshehta për ndarjen e Kosovës, kemi thënë se ekzistojnë ato plane të cilat qëllimisht po mbahen fshehtë nga qytetarët. Kemi thënë që të gjitha bisedimet dhe marrëveshjet eventuale me Serbinë po vazhdojnë të janë të fshehura dhe njëkohësisht kundër interesit të qytetarëve të Kosovës. Mbase kjo është edhe arsyeja kryesore pse këto janë të fshehta, edhe aleatët tanë kanë shprehur shqetësimin për ndikimin rus në rajon dhe në Kosovë, tash duhet të dalin incizimet të fshehta që ne të kuptojmë të vërtetën se çfarë po ndodhë me ne dhe rreth nesh. Këto biseda që duket se janë bërë në vjeshtën e kaluar. Presidenti i Kosovës për idenë e ndryshimit të kufijve, po vepron sipas skenarit të Moskës, paramendojini  kryeministri i Maqedonisë shpreh shqetësim për Kosovën, Zaev shprehet i informuar mirë për  këto plane që kanë të bëjnë më ndarjen e Kosovës”, ka thënë Selimi para mediave, transmeton Telegrafi.

Selimi tha se Presidenti Thaçi po e mashtron popullin e Kosovës dhe po e shtynë agjendën ruse në rajon.

“Duke bërë marrëveshje të fshehtë, duke i nderuar fjalët, Thaçi po e shtynë agjendën ruse në rajon, Së fundmi Gjykatë Kushtetuese e ndal Thaçin nga dialogu me Serbinë, por kjo nuk i mjaftojë, këtë njëri duhet ta ndalim të gjithë, sepse ai nuk mund ta përfaqësoj Kosovën”, u shpreh ai.

Deputeti Selimi tha se Thaçit duhet t’i ndalohet ta përfaqësojë Kosovë.

“Bëjmë thirrje forcave politike që sa më shpejtë të shkojmë në zgjedhje. Thaçi i ka përpara planet serbo-ruse, zgjedhjet e menjëhershme janë zgjidhja e vetme”, tha Selimi.

Ai konsideron sa më shumë vonohen zgjedhjet aq më shumë dëmtohet Kosova.

 

https://telegrafi.com/selimi-pas-publikimit-te-bisedave-te-zaevit-presidenti-thaci-po-e-shtyne-ndikimin-rus-ne-kosove-e-rajon/

Continue Reading

Kosovë

Reagon Kryeministri Albin Kurti për ngjarjen në Gllogjan

Published

on

Ka reaguar edhe Krzeministri i Kosovës , Albin Kurti lidhur me ngvjarjen e sontme që e tronditi Gllogjanin, ku mbetën të vrarë 3 perspna.

Ai shprehë ngushëllime familjarëve të viktimave, duke iu dëshiruar shërim të shpejtë të plagosurve, dhe fton policinë të mobilizohet me kapacitetet e saj të plota.

“Sonte u tronditëm nga lajmi për sulmin me armë zjarri ndaj autobusit me nxënës në Gllogjan të Deçanit. Sipas Policisë së Kosovës nga ky sulm kanë mbetur të vrarë tre qytetarë të vendit tonë, prej të cilëve dy nxënës.
Në emrin tim dhe në emër të Qeverisë së Republikës së Kosovës, u shpreh ngushëllimet më të sinqerta familjeve, shokëve e shoqeve, që humbën më të dashurit në këtë sulm. Të plagosurit i dëshirojmë shërim të shpejtë.
Policia është mobilizuar me kapacitetet e saj të plota për ta hetuar këtë krim të rëndë, e për të mundësuar drejtësi”, theksoi Kurti.

Continue Reading

Kosovë

Sveçla: Kërkova nga Policia mobilizim maksimal për ta kapur sa më shpejtë autorin e këtij krimi makabër

Published

on

Ministri Punëve të Brendshme, Xhelal Svecla ka reaguar pas tragjedisë që ndodhi në Deçan, ku mbetën të vrarë të paktën tre persona.

Svecla përmes një postimi në Facebook ka thënë se pas lajmit që e mori për tragjedinë ka ndërprerë menjëherë vizitën në Shqipëri dhe është nisur për në Deçan.

Ai tha se ka kërkuar nga Policia mobilizim maksimal për ta kapur sa më shpejtë autorin e këtij krimi makabër.

“Lajme të tilla lëndojnë çdo zemër njerëzore. Jam thellësisht i shqetësuar dhe i tronditur prej aktit kriminal që ka ndodhur sonte në Gllogjan të Deçanit.

Bashkëndjejmë me familjarët që kanë humbur të dashurit e tyre dhe lutemi për shërimin e të plagosurve. Menjëherë e kam ndërprerë vizitën dhe aktivitetet e parapara në Shqipëri dhe jam rrugës për në Deçan. Ndërkohë, kam qenë dhe jam në telefon me drejtuesit e forcave të rendit, për pasojë nuk kam mundur t’i drejtohem më herët opinionit publik. Kam kërkuar nga Policia e Kosovës angazhim dhe mobilizim maksimal, me të gjitha njësitë dhe formacionet e nevojshme, në mënyrë që autori i këtij akti makabër të arrestohet sa më pare”.

Continue Reading

Kosovë

Njëri nga viktimat djali i vëllaut të truprojës së Haradinajt

Published

on

U raportua më herët një ngjarje tragjike ka ndodhur në Gllogjan të Deçanit, ku si pasojë e të shtënave me armë në drejtim të autobusit, kanë mbetur të vdekur tre persona, kurse është lënduar një një tjetër.

Mësohet se viktima, Ledion Hamzaj është djali i vëllaut të truprojës së Daut Haradinaj, Hamëz Hamzaj.

Zëdhënësi i Prokurorisë së Pejës, Shkodran Nikqi, e ka konfirmuar rastin.

“Dyshohet se ka te shtëna me arme zjarri ne drejtim te një autobusi me nxënës, prokurorja kujdestare është nisur ne drejtim te vendit te ngjarjes”.

Continue Reading

Aktuale