Lajme
BFI sqaron “takimin e pajtimit” në zyrën e Ali Ahmetit
Bashkësia Fetare Islame e Maqedonisë së Veriut në komunikatën e sotme ku kundërshtonte akuzat që ish-deputeti Vesel Memedi i drejtoi një ditë më parë. Nga BFI sqaruan edhe dokumentin e publikuar dje në media dhe të shpërndarë në masë nëpër rrjetet sociale rreth një takimi në selinë e BDI-së në vitin 2005. Ata akuzuan edhe Memedin se i njëjti nuk e ka ngritur zërin kurrë në mbrojtje të BFI-së dhe organeve të saj.
“Ju përkujtojmë, siç thoni, “takimi i pajtimit” në selinë e BDI-së, të mbajtur më 25-26 maj 2005 (e jo 2006, siç potenconi nga foltorja e Kuvendit!), ishte iniciuar nga Hafëz Arif ef. Emini dhe këshilltarët e tij, pasi që e kishin stërmbushur BFI-në me elementë dhune dhe lloje të ndryshme të kërcënimeve që iu drejtonin nëpunësve të BFI-së nga njerëz ekstremë, radikalë, në të cilën periudhë ju, Vesel Memedi – medresant dhe profesor i Medresesë ku ishit, pse kurrë nuk e ngritët zërin në mbrojtje të BFI-së dhe, siç thoni, “grupeve të imamëve”, në fakt, të cilat kurrë nuk kanë ekzistuar si të tilla, ku ishit kur sulmohej Kuvendi i BFI-së nga grupe të armatosura, a thua krahas verbërisë edhe aq shumë jeni të kapluar nga amnezia dhe me përrallat e atyre që i quani “funksionarë” të BFI-së jeni futur në ëndrrat e të dehurve në mes të ditës, e të cilët funksionarë për më shumë se një dekadë BFI në mënyrë institucionale i ka hedhur nga organizmi i saj i brendshëm” – thuhet në sqarimin e Bashkësisë Fetare Islame të Maqedonisë së Veriut, përcjell in7.tv.
Lajme
Dauti: Për shtetësinë e vëllezërve Azizi, nuk duhet mendim nga ASK-ja

Dauti: Për shtetësinë e vëllezërve Azizi, nuk duhet mendim nga ASK-ja
Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.
Dy janë momentet që duhet potencuar për byrokratët që guxojnë të jenë mbi ligjin:
1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.
2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .
Bota
Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë
Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.
Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.
Durante su visita a París, una mujer le dio una cachetada al presidente de Francia, @EmmanuelMacron por la crisis económica que se vive en el país. pic.twitter.com/UOeQPDVfz3
— Político MX (@politicomx) November 21, 2022
Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.
Lajme
Kriza energjetike problem për kompanitë!

Kriza energjetike problem për kompanitë!
Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.
“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.
“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.
-
Lajmet kryesore1 year ago
Mediat në Shqipëri: Kastriot Rexhepi është shantazhuar me video materiale nga grupi i Izet Mexhitit
-
Bota11 months ago
Nuk u intereson kush është përballë tyre, shihni pamjet se si ukrainasit i ndalin në rrugë rusët
-
Lajme2 years ago
Lidhjet e Trajko Veljanovskit me rastin M0nstга? – Avokati maqedonas flet për pazaret ndër tavolinë dhe fshehje provash
-
Kosovë1 year ago
Dalin detaje të reja për vrasjen e trefishtë në Gllogjan
-
Komente2 years ago
Mos e bëfsh pikën e hajrit o Albin Kurti
-
Lajme2 years ago
Gazetari shqiptar “e zuri mat” Vuçiqin – Cila ishte pyetja që e ngushtoi presidentin sërb?
-
Lajme2 years ago
Shek Hallaçi i Grupit të Kumanovës, nga Buгgu i Idгizovës publikon videon me një porosi
-
Lajme1 year ago
Anketa më re: Struga, Tetova dhe Çairi do të drejtohen nga Opozita Shqiptare