Connect with us

Kolumna

Çfarë bëri gabim Alexis Tsipras?

Published

on

Nga Mark LowenBBC

Teksa Kyriakos Mitsotakis po fliste përpara mbështetësve të zjarrtë pas fitores, ai heshti për një moment reflektimi. “E ndjej se shpirti i prindërve të mi po më mbron,” tha ai.

Për kryeministrin e ri të Greqisë, bisedat për familjen e tij nuk janë thjesht një çështje personale. Ai është pasardhësi i një prej dinastive politike më të fuqishme në vend: babai i tij, Konstantinos, ishte kryeministër, motra e tij ka qenë ministre e Jashtme dhe nipi i tij është kryebashkiaku i ri i Athinës.

Asnjë vend tjetër europian nuk ka një traditë të familjeve politike si Greqia. Kjo është një nga arsyet pas krizës financiare- kultura e nepotizmit që ka rrënuar qeveritë e njëpasnjëshme të pasluftës.

Por Kyriakos Mitsotakis ka arritur ta prezantojë veten si imazhi i ri pavarësisht nga trashëgimia e tij, duke fuqizuar një parti që është larguar nga pushteti në vitin 2015 si simbol i gardës së vjetër të korruptuar.

Në atë vit, Alexis Tsipras dukej se ishte imazhi që simbolizonte ndryshimin. Në tubimet e zjarrta, populisti i majtë angazhohej se do të griste programin e kursimeve të BE dhe do u jepte fund masave të shpëtimit.

Ai emëroi Yannis Varoufakis si ministër të financave, i njohur për faktin se ngiste motoçikletën dhe vishte xhaketë lëkure. Ai u përplas me BE dhe bëri jo pak armiq në Berlin dhe Bruksel. Ai e udhëhoqi Greqinë drejt një referendumi për refuzimin e kërkesës së BE për shkurtimin e buxhetit, pavarësisht paralajmërimeve nga kreditorët se po shkonte drejt largimit nga eurozona.

Në mënyrë të pashpresë, ai premtoi më shumë se ç’duhej.

Nën presionin e BE, kontrollit të kapitalit mbi bankat dhe kërcënimit për Grexit- daljen nga Euro- ai u detyrua të bënte një kthesë të plotë poshtëruese, duke nënshkruar një tjetër paketë shtrëngimesh prej 89 miliardë eurosh.

Baza e mbështetjes nisi të lëkundej.

“Fakti që Tsipras ia doli të qëndrojë në pushtet për katër vite, pavarësisht se kishte thyer zotimet e tij, është një dëshmi e talentit të tij politik,” thotë profesori George Pagoulatos i Universitetit Ekonomik të Athinës. “Partia e tij, Syriza, tani mban një tjetër ideologji nga ajo që ka aplikuar- e vetmja gjë e madhe që mban bashkë partinë, është Tsipras,” thotë Pagoulatos.

Dimitris Rapides, një përfaqësues i Syriza në Bruksel, bie dakord. “E kuptoj 100 përqind se përse njerëzit janë të zhgënjyer me partinë,” më thotë ai në një kafene të mbushur të Athinës. “Njerëzit kishin pritshmëri të larta- ne e ngritëm shumë stekën- dhe nuk e arritëm”.

Megjithatë Alexis Tsipras arriti disa suksese gjatë kohës në detyrë:

-Papunësia, e cila kapi 28 përqind gjatë krizës, u ul në 19 përqind.

-Greqia e ka përfunduar formalisht programin e shpëtimit- edhe pse vendi mbetet nën mbikëqyrjen strikte të kreditorëve të saj.

-Turistët po vërshojnë sërish në plazhet e Greqisë, duke e ndihmuar ekonominë të rikthehet tek rritja modeste gjatë vitit të shkuar.

-Dhe disa prej 500 mijë mendjeve të reja, që ishin larguar gjatë krizës, kanë nisur të kthehen, të nxitur nga start-up-et dhe ndjesia se Greqia e ka bërë një kthesë.

Por Tsipras u rrëzua edhe nga skandalet, pasi u shkëput nga retorika e tij ‘njerëzit kundër elitës’ teksa u fotografua në një jaht luksoz të një pronari grek anijesh gjatë vitit të shkuar- vetëm disa javë pas keqmenaxhimit të përgjigjes ndaj zjarreve vdekjeprurëse.

“Tsipras në fakt erdhi me një politikë shumë anti-europiane,” thotë Pavlos Eleftheriades, një mbështetës i Demokracisë së Re, që është kthyer nga Britania e Madhe për të votuar. “Ai më kujton Nigel Farage (liderin e partisë Brexit në Britaninë e Madhe), edhe pse njëri është majtas dhe tjetri djathtas. Ky rezultat është një fitore për Greqinë Europiane dhe jam shumë i emocionuar”.

Zoti Mitsotakis ka premtuar ulje taksash dhe hapje vendesh pune, me një axhendë të privatizimeve dhe menaxhimi të shëndoshë politik. Ai do të përfitojë nga fakti që Demokracia e Re është pjesë e bllokut më të madh në Parlamentin Europian, duke e portretizuar fitoren e tij si një fund i eksperimentit populist në Greqi dhe rikthim tek politika tradicionale.

“Ai ka një shans të mirë për të bërë shumë nga ato që ka premtuar, me një skuadër më kompetente rreth tij,” thotë profesor Pagoulatos. “Fitorja e tij tregon se populizmi është një fenomen ciklik, më shumë se një trend”.

“Kur populistët janë në pushtet, ata përballen me të njëjtat probleme si qeveritë tradicionale dhe nuk reagojnë domosdoshmërisht në mënyrën më të suksesshme. Në rastin e Greqisë, ata ishin të paaftë dhe e çuan vendin në prag të kolapsit ekonomik”.

Trashëgimia e vërtetë e Alexis Tsipras është se ai la pas demagogjinë populiste sapo erdhi në pushtet.

Dhe në terma konkret, trashëgimia më e madhe e tij në politikën e jashtme është ajo që i kushtoi mbështetjen brenda vendit: arritja e një marrëveshje që e njeh fqinjin verior të Greqisë me emrin Maqedonia Veriore, duke i dhënë fund një mosmarrëveshje prej dy dekadash me grekët që pretendojnë pronësinë mbi identitetin maqedonas. Kjo i normalizoi marrëdhëniet mes dy vendeve, por nxiti thirrje- nga zoti Mitsotakis mes të tjerëve, për tradhti.

Ndërsa po nis epoka e Mitsotakis (të riut)- një nga liderët ikonë të së majtës europiane po zbret nga skena. Por ai do riorganizohet në opozitë dhe do të presë në krahë për të kapur çdo hap të gabuar të udhëheqësit të ri të Greqisë.

Kjo nuk është në asnjë mënyrë hera e fundit që Greqia do dëgjojë për Alexis Tsipras.

Continue Reading

Kolumna

“Shani” me votë ditën e zgjedhjeve, nëse nuk e bëni atë ditë, mos u “shani” asnjëherë!

Published

on

Shkruan: Hasim Memishi – Sopi, Aktor

“SHANI” ME VOTË!

Politikanët e marrin fuqinë nga populli me anë të votës, prandaj më mirë është të “shahemi” me votë!
Nesër, mos votoni ata që kanë kaluar nga “shiltet” në gucci!
Nesër ju jeni fuqia, prandaj duhet t’i ndëshkoni me votë!
Nesër, Ne ua japim pushtetin e tenderit, korrupsionit, manipulimit, ofendimit, nënçmimit, përçmimit e “shitpordhjes”
Mos votoni ata që kanë blerë diplomat;
Mos votoni arrogantët injorant!
Mos votoni keqpërdoruesit!
Mos votoni amatorët, abuzuesit!
Mos votoni ata që janë bërë milioner vetëm duke bërë selfi!
Shani ditën e zgjedhjeve, sepse atë ditë shajnë të mençurit!
Mos e shitni votën për një thes miell, për një punë në administratë, për një premtim bosh, për premtimet për BE me dekada të tëra!
“Shani” me votë nesër, nëse nuk e bëni nesër, mos u “shani” asnjëherë!

P.s: unë çekaç di t’ju thom, prap Ju e dini ma majr!

Continue Reading

Kolumna

Demiri: Inxhinierë e magjistra punojnë si kamerier, të paditurit bëjnë ligje…

Published

on

Shkruan: Osman DEMIRI

Që kur na lan si numra, partitë politike kanë bërë petulla për vete. Pse duhet të ketë numra, pse mos të jenë emri dhe mbiemri, dhe aq?! Pse nuk janë listat e hapura, me emër e mbiemër, por duhet që me numra të shtyejmë përpara të paditurit, analfabetët, matrapazët? Nëpër lista kam plot miq e shokë dhe njerëz të dëshmuar nga të gjitha partitë dhe të gjithë nacionalitet, që pa asnjë hezitim do t’i kisha rrethuar!

Njërin nga njëra parti, dy apo tre nga partia tjetër, duke e plotesuar mozaikun politik me njerëz të shquar, me njerëz të cilët nuk na turpërojnë dhe degradojnë në këtë mënyre! Janë mbushur listat me ushtarë partiak, me sllogane qesharake, koncepte patetike, përmbajtje mediokre.

Na e dëbuan rininë duke ua nënvlerësuar intelegjencën. Profesorë, inxhinierë e magjistra punojne si kamerier, kurse ata që memzi kanë kryer shkollën e mesme, me kostume e kollare bëjnë ligjin dhe sorollaten nëpër ministri e drejtori! Dhe prap numra, 20 apo 30 kandidat të dëshmuar, shtyejnë përpara 2 apo 3 të dështuar! Eshtë koha që t’na llogarisni si njerëz, JO SI NUMRA!

Continue Reading

Kolumna

Si ta përmirësojmë mirëqenien mendore

Published

on

Autore: Mr. sc. Sema Halili- Psikologe e Licencuar në Psikologjinë e Shëndetit Mental,Magjistre e Psikologjisë Klinike, Gestalt Psikoterapeute e Licencuar nga EAGT/Trajnere, EMI Practioner dhe Psikotraumatologe.

Shëndet i mirë mendor nuk është diçka që ju keni por është ajo që bëni. Që të jeni me shëndet të mirë mendor ju duhet ta vlerësoni dhe pranoni vetveten. Kjo do të thotë që:

• Ju respektoni dhe kujdeseni për veten tuaj. Ju e doni vetën, nuk e urreni. Ju kujdeseni për shëndetin tuaj fizik
• E parashihni vetën si person me vlerë sipas drejtës tuaj. Nuk keni nevojë ta meritoni të drejtën e ekzistencës. Ju ekzistoni, prandaj keni të drejtë për ekzistim.
• Gjykoni veten sipas standardeve të arsyeshme. Mos e detyroni veten me qëllim të pamundshme, si për shembull “Unë duhet të jem i përsosur në çdo veprim”, dhe mos e dënoni vetën nëse nuk ia arrini.

Nëse ju nuk e pranoni dhe vlerësoni vetën, gjithmonë do të frikësoheni se njerëzit tjerë nuk ju pranojnë. Që t’i ndaloni njerëzit të shohin se sa të papranueshëm jeni, ju shkëputeni nga ata, kështu që mbeteni gjithmonë të frikësuar dhe të vetmuar. Nëse ju e vlerësoni vetën nuk pritni për mospranimin e njerëzve tjerë. Nuk frikësoheni nga njerëzit e tjerë. Ju mund të jeni mendje hapur kështu që të kënaqeni me marrëdhënie të mira njerëzore. Nëse e pranoni dhe e vlerësoni vetveten, ju jeni në gjendje të ndjeheni të qetë dhe të kënaqeni pa ndjenjë faji. Kur ballafaqoheni me probleme ju e dini që pa marrë parasysh sa e vështirë është situata juaj, ju mund ta përballoni. Si e parashohim vetën është e rëndësishme për çdo vendim të marrë.

Njerëzit të cilët e pranojnë dhe vlerësojnë vetveten e përballojnë jetën.Ne vuajmë nga shqetësimet mentale, nëse nuk e pranojmë dhe vlerësojmë vetën. Këto mendime zakonisht vijnë qysh nga fëmijëria kur ne kemi vendosur se nuk jemi të mirë dhe të papranueshëm, përndryshe familja jonë nuk do të na kishte trajtuar në atë mënyrë. Kjo e bën shumë të vështirë për ne t’i përballojmë vështirësitë dhe fatkeqësitë që hasim.

Të gjithë ne rritemi me ide të caktuara se kush jemi, cila ishte dhe çka do të jetë jeta jonë dhe se çfarë është bota. Këto ide burojnë nga përvojat e kaluara dhe nga ajo se dy njerëz kur nuk mund t’i kenë përvojat e njëjta, dy njerëz kurrë nuk mund t’i shohin gjërat pikërisht në të njëjtën mënyrë. Idetë tona nuk janë aq të sakta se çka është duke ndodhur rreth nesh, por supozime apo teori të caktuara se çka ndodhë. Nëse ne rritemi duke besuar se bota është ajo se si e shohim. Ne pastaj tronditemi shumë kur mësojmë se gjërat nuk janë ashtu si kemi menduar dhe mendimet e mëparshme kanë qenë të gabueshme.

Kurdo që hasim në fatkeqësi të papritur, kur ndodhin mosmarrëveshje serioze ne zbulojmë se jeta jonë nuk është ajo çka kemi menduar por çka jeta është në të vërtet. Ne ndoshta kemi menduar se do ta kalojmë jetën me një person të veçantë, por ky person shkon nga ne, apo vdes. Ndoshta ne jemi rritur duke besuar se nëse sillemi mirë asgjë e keqe nuk do të ndodhë, prapëseprapë ndodh.

Kurdo që kuptojmë se kemi bërë gabim të madh, ne fillojmë të dyshojmë për çdo vendim që kemi marrë. Atëherë fillojmë të ndjehemi shumë të dobët. Ndjehemi sikurse jemi duke u shkatërruar, copëtuar, duke u zhdukur. Nëse ne e vlerësojmë dhe pranojmë vetveten, ne kemi siguri në vetën tonë edhe nëse jemi të frikësuar ne e sigurojmë vetën se kjo ndjenjë do të kalojë dhe se mund t’i përballojmë vështirësitë dhe çfarëdo që vjen. Nëse ne nuk e vlerësojmë vetën tonë dhe nuk ndjehemi pozitiv atëherë pason ndjenja e shkatërrimit personal.

Ne ndjehemi të fshirë dhe të zhdukur si pikë e ujit në oqean. Kjo na bënë shumë të tmerruar.
Çdoherë kur frikësohemi se do të shkatërrohemi, ne duhet të gjejmë mbrojtje për ta mbajtur vetën. Sa më keq që ndjehemi për vetën më vështirë e kemi të gjejmë mbrojtje.
Mënyrat e mbrojtjes përfshijnë:
• dëmtimin e trupit tonë duke shkaktuar plagë ose duke mos ngrënë,
• fajësimi i vetës dhe depresioni,
• duke gjetur shkakun e frikës tonë në rrethin tonë dhe të frikohemi të dalim jashtë,
• duke bërë punë më shumë e më shumë,
• duke u mbyllur në botën tonë të brendshme dhe duke heq dorë gjejmë kuptim për botën rreth nesh si njerëzit tjerë.

Si zëvendësim, së shpejti pa vetëdije gjejmë një mbrojtje se si e shohim vetveten dhe botën tonë. Për shembull nëse ne jemi të mësuar ta fajësojmë vetveten për çdo gjë që shkon keq, atëherë e fajësojmë vetveten për atë fatkeqësi që ndodhë.

Shqetësimet mendore nuk ndodhin çdoherë. Megjithatë, nëse ne nuk e vlerësojmë dhe pranojmë veten kjo do të siguron shqetësim mendor kur jeta është e vështirë. Nëse ne ndjehemi pozitiv për veten tonë dhe nëse e humbin dikë, do të ndjehemi të pikëlluar por jo në depresion. Kur dikush na trajton keq ne ndjehemi të zemëruar por jo fajtor që jemi të zemëruar. Kur diçka ose dikush na kërcënohet, ne frikësohemi por jo të shkatërrohemi, sepse ne kujdesemi dhe e mbrojmë vetveten. Shkaktarët e shqetësimeve mendore nuk janë humbja, skamja,sëmundja ose njerëzit që na trajtojnë keq. Është mënyra se si e interpretojmë humbjen, skamjen, sëmundjen ose faktin se si njerëzit tjerë na trajtojnë keq.

Duke i interpretuar gjërat në mënyrë që e bënë vuajtjen të pashmangshme shumë njerëz heqin dorë nga vetvetja. Nëse ne e shohim veten si të keq dhe të papranuar dhe besojmë që jetojmë në “një botë” ku të mirat shpërblehen dhe të këqijat dënohen atëherë, kur ndodhë ndonjë fatkeqësi ne e interpretojmë këtë si dënim për të këqijat tona. Nëse e shohim vetveten si të parëndësishëm dhe të pavlefshëm kur na ndodhë ndonjë gjë e lumtur ne i themi vetvetes “unë nuk duhet të jem e lumtur”. Nëse frikësohemi nga njerëzit tjerë dhe ata na trajtojnë keq, ndjehemi se ne nuk kemi të drejtë ta mbrojmë vetveten. Kur ne ndjehemi të shëmtuar dhe të padashur ne kemi nevojë të madhe për njerëz përreth nesh, ne e fshehim zemërimin. Kur i lejojmë njerëzit e tjerë të na shkelin sepse nuk mund ta tregojmë dëshpërimin nga frika që ata do të na pranojnë. Nëse ne besojmë se është e pamundshme t’i ndalojmë zhgënjimet dhe çdo gjë të keqësohet ne nuk veprojmë asgjë ta përmirësojmë jetën tonë por ne atëherë vetëm vuajmë dhe i dorëyohemi kësaj ndjenje.

Nëse ndjehem mentalisht i/e thyer, çka mund të më ndihmojë?

Pranoni se mund të ndryshoni. Askush nuk mbetet i njëjtë, kështu që ndryshoni për të mirë. Ndryshimi më i madh që mund ta bëni është ta pranoni dhe vlerësoni vetveten. Nëse e kaloni shumicën e jetës tuaj duke besuar se ju jeni të papranueshëm dhe me pak vlerë është vështirë të ndryshoheni sepse të gjitha idetë dhe mënyrat e sjelljeve bazohen në atë besim. Qëllimi është që t’ i thoni vetvetes: “Unë nuk e vlerësoj veten shumë por tash e mbas unë do të sillem si shoku/qja më e mirë për vetveten. Unë do sillem mirë ndaj vetvetes, kujdesem për vetveten dhe nuk do ta kritikojë ose ulë poshtë veten time”. Duke u sjell me vetën si shoku/qja më e ngushtë, kjo do të ju bëjë shokun/qen më të mirë të vetës. Ju duhet të jeni të kujdesshëm se si flitni me vetën. Dëgjoni zërin tuaj të brendshëm. I shkruani gjërat që ju lëndojnë, gjërat kritike që ju thotë zëri juaj dhe pastaj mendoni për t’i thënë vetës gjëra më të dashura dhe inkurajuese.

Continue Reading

Aktuale