Connect with us

Lajme

Para një jave e akuzoi për sjellje skandaloze, sot e viziton në zyrë: Takim Merko – Timonie

Published

on

Vetëm pak ditë pasi publikisht e akuzoi Kryetarin e Komunës së Strugës, Ramiz Merkon si njëra nga pengesat e mos marrjes së datës për fillimin e bisedimeve me BE-në, Ambasadori francez Kristian Timonie ka vizituar Komunën e Strugës.

Nga Komuna e Strugës thonë se ambasadori Timonie ka demantuar lajmet që qarkulluan ditë më parë, madje edhe e ka përgëzuar Merkon për punën e deritanishme në krye të Komunës së Strugës.

“Mes tjerash në takim u diskutua shumë për shpekulimet e shumta nëpër media dhe portale për djegien e kallamit , uzurpimin e plazheve dhe ndërtimeve joligjore. Kryetari Merko edhe njëherë u shpreh se në Strugë nuk ka ndërtime joligjore në bregun e liqenit të Ohrit dhe se nuk do të ketë kurrë të tilla. Ambasadori Timonie u shpreh se ishte i bindur në punën e kryetarit Merko dhe se shpresonte se do të bashkëpunonin në të ardhmen në sferën e turizmit dhe arsimit, meqënëse të dy palet kishin interese të përbashkëta” – thuhet në kumtesën e Komunës së Strugës.

“Ju jeni kryetari më bindës” – i ka thënë ambasadori Timonie, kreut të Strugës Ramiz Merko, njoftojnë nga Zyra për Marrëdhënie me Publikun e Komunës së Strugës.

Përndryshe, gjatë javës së kaluar në një aktivitet, në pyetjet e gazetarëve për marrjen e datës për fillimin e negociatave, Timonie u përgjigj shumë ashpër dhe pa doreza, duke e vënë si arsye pikërisht edhe punën e Ramiz Merkos, për të cilin thoshte se sillet në mënyrë skandaloze, përcjell in7.

“Pse insistoni për atë datë? Keni shumë probleme. Në Strugë Kryetari i Komunës sillet në mënyrë skandaloze. UNESKO do t’ia marë statusin e Liqenit të Ohrit. Keni aq shumë korrupsion, ndërrohen drejtorë të shkollave në mënyrë diletanteske. Është marrëzi të të kërkoni datë për negociata në këtë periudhë. Keni shumë probleme, duhet të punoni ende shumë që të jeni të gatshëm për datë. Për mua është i çuditshëm obsesioni juaj me datën! Ne nuk duhet t’u lëmë të izoluar pa rrugë në BE, por nuk duhet as të shikojmë mes gishtave”- thoshte Timonie pak ditë më parë.

Kreu i Strugës shpeshherë është akuzuar se lejon ndërtimet pa leje dhe uzurpimin e pronës publike, ndërsa si më skandaloze konsiderohej tallja e tij para mediave me automjetin e blerë prej rreth 70 mijë eurove, në kohën kur komuna që drejton ai është e zhytur në borxhe./in7.tv/

Continue Reading

Lajme

Shkupjanja me makinë “futet” në ndërtesën e BE-së (Foto)

Published

on

Gjatë mbrëmjes së djeshme një grua ma makinën e saj është aksidentuar në ndërtesën e BE-së në Shkup.

Si pasojë janë thyer dritaret e zyrës së BE-së. Ajo në makinë ka qenë së bashku me një person tjetër.

Continue Reading

Kosovë

​Gastronomët e Kosovës përmes borive të makinave shprehin pakënaqësinë e tyre me masat e reja antiCOVID-19

Published

on

Shoqata e Gastronomëve e Kosovës, në shenjë pakënaqësie me masat e fundit qeveritare, përmes borive të makinave, sonte për disa minuta ka protestuar në rrugën përballë objektit të Qeverisë së Kosovës.

Qeveria e Kosovës në kuadër të masave të reja për luftimin e pandemisë, vendosi dje për shtyrjen e orarit të gastronomisë deri në orën 23:00. Më herët ky sektor ishte lejuar të punojë deri në 21:30. Ndërkohë ora policore mbetet në fuqi nga mesnata e deri në pesë të mëngjesit, me përjashtim të rasteve emergjente.

Shoqata e Gastronomëve të Kosovës kërkon që të punohet sipas rregulloreve Komunale, që muzika të jetë në proporcion me këtë orar, dhe ora policore të hiqet.

“Masat nuk kanë kuptim që të kufizojnë veprimtaritë biznesore, por të stimulojnë vaksinimin e popullatës, si zgjidhja e vetme për daljen nga kjo krizë. Përderisa i lejojmë të hyjnë vetëm personat e vaksinuar dhe ata që ofrojnë dëshmi, pse të mos punojmë me kapacitete të plota?!”, thuhet në një reagim të kësaj shoqate e cila për nesër ka paralajmëruar mbledhjen e jashtëzakonshme të Kuvendit, në orën 14:00.

Ndryshe, edhe Asociacioni i Komunave të Kosovës ka paralajmëruar se do të kërkojë serish heqjen e orës policore, pasi që numri i rasteve të reja me koronavirus po shënon rënie dhe tash e sa ditë nuk ka asnjë rast me përfundim fatal.

Continue Reading

Kosovë

Ushtarët e FSK-së do të nisen për në stërvitjen qendrore të Forcave të Armatosura Sllovene

Published

on

Ministri i Mbrojtjes i Kosovës Armend Mehaj është deklaruar me rastin e dërgimit të një kontingjenti të FSK-së në stërvitjen e Forcave të Armatosura sllovene “Disaster Relief and Military Mobility Exercise 2021” (DRM2 EX21), me kolegët e tyre të forcave sllovene dhe 19 forcave të shteteve tjera të BE-së dhe NATO-s.

Në një postim në Facebook, ministri Mehaj thotë se kjo stërvitje synon të forcojë gatishmërinë e Forcave të Armatosura sllovene për të marrë pjesë në sistemin e mbrojtjes nga fatkeqësitë natyrore dhe fatkeqësitë e tjera në Slloveni, si dhe për të integruar sigurinë me shtetet anëtare të BE-së dhe forcat tjera partnere, sikurse Kosova, në fushën e mobilitetit ushtarak dhe mbështetjes logjistike.

“Mirënjohje dhe vlerësim i lartë për partneritetin me ministrinë dhe forcat homologe sllovene. Besim i plotë në shkathtësitë profesionale specialistike të ushtarakëve tanë dhe aftësive ndërvepruese me forcat partnere. Forca djem, për Nderin e Kombit dhe Flamurin tonë! Për më të mirën, për veten dhe miqtë tanë!”, shkruan Mehaj.

Stërvitja “Disaster Relief and Military Mobility Exercise 2021” ka nisur më 18 tetor dhe zgjat deri më 29 tetor. Përveç Kosovës, në këtë stërvitje marrin pjesë edhe Shqipëria, Austria, Belgjika, Kroacia, Mali i Zi, BeH, Franca, Gjermania, Italia, Luksemburgu, Maqedonia Veriore, Rumania, Çekia, Polonia, Rumania etj.

Continue Reading

Aktuale