Connect with us

Komente

Fërçkovski: Drejtësia po vonon, të eliminohen gjyqtarët e korruptuar!

Published

on

Ish ministri dhe tani profesori universitar, Ljubomir Fërçkovski, në një kolumnë të tijën analizon sistemin e drejtësisë në vend dhe hapat që Qeveria duhet të marrë për të futur Drejtësinë në binarët e duhur.

Operacioni i madh për të sjellë drejtësi në Maqedoni ka dy nivele, thotë Fërçkovski, duke vazhduar më tej sqarimin se përveç nivelit të parë që ka të bëjë me sjelljen dhe ndryshimin e ligjeve të nevojshme për ecurinë e reformave, me patjetër duhet të kalohet në fazën e dytë, atë të zbatimit. Ndërmjet të dy niveleve, sipas Fërçkovskit, qëndrojnë proceset gjyqësore kundër kriminelëve më të mëdhenj të ish qeverisë, të cilët e kanë vjedhur dhe shkatërruar këtë vend.

” Këto procese në themel janë të patjetërsueshme, por dyshimshëm ngadalësohen dhe vihen nën hije nga procedura të korrupsionit dhe bllokadave sepse gjyqtarët që i gjykojnë ose vendosin, në procedurat e ankesave, fillojnë të bëjnë tregti për pozitat e veta përmes atyre “- shkruan Fërçkovski, përcjell in7.

Megjithatë zbatimi, thotë Ferçkovski, si pjesa më e rëndë e këtij procesi të reformimit, qëndron i paprekur.

“Posaçërisht problematike është mungesa e vetëdijes dhe vullnetit për ti ndrequr padrejtësitë e bëra nga sistemi i kaluar nëpërmjet gjyqtarëve dhe prokurorëve të korruptuar, viktimat e të cilëve sot në Maqedoni nuk kanë ku dhe kundër kujt të drejtohen dhe luftojnë “- vazhdon shkrimin e tij, profesori Ljubomir Fërçkovski.

Sipas tij, kjo qeveri duhet që të bëjë dallimin dhe të bindet se nuk mund të ketë shoqëri të re për të gjithë, pa i përmirësuar njëherë e mirë padrejtësitë e vjetra nga e kaluara. Nga këto padrejtësi gjigande, siç i quan ai, viktima janë qytetarët tanë, për të cilët të gjithë duhet të tregojmë solidaritet dhe ta ndajmë dhimbjen e tyre.

“Pushtetet duhet të guxojnë dhe të tregojnë vullnet për eliminimin e gjyqtarëve të korruptuar tani dhe menjëherë, pa shtyrje. Pushtetet duhet të bëjnë çdogjë për kompensimin e viktimave të krimeve gjyqësore. Ajo është etikë e ngushëllimit, ndarjes së përgjegjësisë për tjetrin si themel, si situatë etike kufitare për ndërtimin e shtetit të drejtë dhe demokratik. Këtë edhe Brukseli edhe BE edhe NATO dhe kush të dojë, vetëm do ta përkrahë ” – përfundon shkrimin e tij për drejtësinë e munguar në shtet, ish ministri dhe funksionari i LSDM-së, Ljubomir Fërçkovski.

Fërçkovski ka qënë Ministër për Punë të Brendshme gjatë viteve 1992-96, Ministër i Punëve të Jashtme gjatë viteve 1996-97, ndërsa aktualisht është profesor në Fakultetin Juridik pranë Universiteti Shën Kirili dhe Metodi, në Shkup./in7.tv/

 

 

 

 

Continue Reading

Komente

Çun Lajçi pas festës në Skenderaj: Nuk e kisha besuar se një Drenicë do t`i gëzohej humbjës se djalit të Hamëz Jasharit

Published

on

Aktori i njohur ka reaguar në Facebook përmes një postimi.

Çun Lajçi kishte disa fjalë për t`u thënë të gjithë atyre të cilët festuan humbjen e Bekim Jasharit në Skenderaj.

Përmes postimit ai tha se nuk do ta besonte kurrë se një ditë ai do të ishte dëshmitar i festimeve për humbjen e djalit të Hamëz Jasharit.Ai tha se Drenica ka trima mirëpo nuk ka qenë në dijeni se ata urrejnë trimin e tyre.

“Jasharajt janë KosovaTri ditë mbas masakrës se Jasharajve e pata shkrua nji monolog për plisin e dheun.S’ishte ndonji mrekulli e madhe, por ishte shpresë (për ata që thojshin jemi ushtarët e Komandantit), se Ademi nuk ka vdekë. Asht gjallë n’fushat e Kosovës!Ndër ato pak fjalë që po ia thosha Hamzës të varri, ishte edhe nji krahasim: Azemi vdiq e shkoi tue i knua “Azem Bejta Azem Galica, ta pau sherrin tan Drenica”Cilit keni me ia knua ket kangë tash? Cilit?Prap po them s’ishte profeci, por ishte brengë e artistit, se tue njoft popullin tim, kisha frikë se s’kan me shkua edhe shumë vite, e kemi me dyshua n’secilin e kemi me harrua edhe Hamzën edhe Ademin e lakmia ka me na i vërbua sytë.E kisha nga frika, jo nga profecia!Unë s’isha melaqe me pa fatin mbas njizetë vitësh, por edhe plisin edhe dheun kisha me hangër e s’kisha me besua se nji ditë Drenicë ka me iu gëzua aq shumë humbjës se djalit t’Hamëz Jasharit, e ka me zbrazë kallasha (edhe pse shumë kush s’u skuq e m’tha “m…t e bani edhe ky për 4 vjet”)Drenica ka pasë trima, këtë e dinë të gjithë, por s’e kam ditë se e urrenë trimninë e vet e njeriun e vet s’e don. S’e kaq leht mashtrohen!Humbje asht për VV-në, AAK-në e partitë lakmiçare si PDK, por i biri i Hamzës e Jasharajt s’janë humbja, janë Kosova e krenaria e shqiptarisë!Mos iu gëzoni humbjës së Bekimit, se kjo flet për diçka që s’duhet e s’dua ta them as unë!
18.10.2021″, shkroi aktori Lajçi.

Continue Reading

Komente

Xhaferi me apel për tetovarët: Sot e keni në dorë ta ndërroni pushtetin dhe t’i jepni fund Teutës dhe bandës së saj!

Published

on

Aktivisti Arianit Xhaferi përmes një statusi në facebook ka bërë apel ndaj tetovarëve se sot e kanë në dorë që ta ndërrojnë pushtetin dhe t’i japin fund Teutës dhe bandës së saj, përcjell in7

Postimi i plotë:

Sot është dita kur flet qytetari. Kujtoni gjithçka që ka ndodhur gjatë viteve që na kanë vrarë, na i kanë djegur njerëzit të gjallë, na kanë lënë pa ujë, na kanë poshtëruar e përbuzur, na kanë përzënë nga votrat tona, na kanë vjedhur paratë për t’ua dhënë familjarëve të tyre, na kanë helmuar, na kanë marrë ujërat për të ndërtuar hidrocentralet e tyre, na i kanë lënë rrugët me gropa, na ka dalë kanalizimi në rrugë, na kanë nervozuar se s’kemi gjetur një vendparkim, na kanë futur në borxhe, na kanë sulmuar qentë endacakë, na kanë gënjyer e na kanë mashtruar çdo ditë…
Sot e keni në dorë ta ndërroni pushtetin dhe t’i jepni fund Teutës dhe bandës së saj. Zgjidhja e vetme e problemeve është #numri6 në listën e votimit, ka përfunduar aktivisti Xhaferi./in7.tv/

Continue Reading

Komente

Ibrahimi: nëse ju ofrojnë para për votë, merrjauni, por dënoni për pafytyrësinë

Published

on

By

Zeqirja Ibrahimi në Facebook:

Paratë që ua ofrojnë merrjauni, sepse ato janë para që i kanë vjedhur nga ju, nga populli.

Por, dënoni për pafytyrësinë që duan t’ju blejnë me 1000 denarë në katër vjet, ndërsa vetë janë bërë milionerë.

Ata ecin me patika që kushtojnë disa qindra euro, ndërsa fëmija juaj nuk i ka 10 denarë për simite në shkollë.

Ata vozisin makina që kushtojnë mbi 100 mijë euro, ndërsa ju dergjeni lart e poshtë me autobusë e në këmbë.

Andaj, nëse ju ofrojnë para për votë, merrjauni, por dënoni për pafytyrësinë.

Continue Reading

Aktuale