Connect with us

Kulturë

”Dokufest” synon të shprehë të vërtetën përmes artit

Published

on

E vërteta sivjet në Kosovë do të eksplorohet edhe nëpërmjet artit. Këtë do ta bëjë një prej festivaleve më të mëdha në rajon sa i përket kinematografisë. Të hënën kanë filluar që të shpalosen detaje të edicionit të 18-të të festivalit ndërkombëtar të filmit dokumentar dhe të shkurtër “DokuFest”.

Si çdoherë, qyteti antik i Prizrenit do të jetë nikoqir i një prej ngjarjeve më të mëdha kulturore në vend. Këtë vit organizatorët e Festivalit kanë bërë të ditur se ngjarja do të mbahet nga 2 deri më 10 gusht. Përgjatë këtyre ditëve Prizreni do të bëhet përsëri qendër e kinematografisë. Në kuadër të edicionit të sivjetmë të “DokuFestit” vëmendja e filmbërësve, gazetarëve dhe ndjekësve të Festivalit do të jetë drejt së vërtetës.

Veton Nurkollari, drejtor artistik i Festivalit, ka thënë se ky edicion do të sjellë më shumë se 200 filma, ku 10 prej tyre zbërthejnë edhe drejtpërdrejt temën e sivjetshme.

“Do të mundohemi të eksplorojmë më shumë se të vërtetën duke u fokusuar edhe në lajme të rreme”, ka thënë Nurkollari.

“E vërteta pushon këtu” është fjala me të bardhë që është theksuar në dizajnin e temës së sivjetshme, realizuar nga artisti Driton Selmani. “Nuk është qëllimi që të zbulohet e vërteta, mirëpo do të mundohemi që të hapim një debat rreth asaj dhe sidomos rreth lajmeve të rreme në Kosovë, por edhe në botë, dhe kjo mund të jetë si nismë e vogël për të eksploruar më shumë në atë drejtim”, ka thënë Nurkollari.

Për të zbërthyer më shumë të vërtetën për këtë edicion janë kuruar edhe programe të veçanta si “Rrëfimet zhbiruese të së vërtetës: Larisa, Handsworth, Orestes “ kuruar nga Sezgin Boynik, Tevfik Rada dhe Nagehan Uskan. Në kuadër të këtij programi do të shfaqen filmat: “About Narration” nga viti 1975 nga Harun Farocki dhe Ingemo Engström, “Handsworth Songs” i Black Audio Film Collective (BAFC), i vitit 1987, dhe “Notes Towards an African Orestes” nga Pier Paolo Pasolinit, i bërë në vitin 1970.

https://www.botasot.info/art-kultura/1111320/dokufest-synon-te-shprehe-te-verteten-permes-artit/

Continue Reading

Kulturë

Po vjen filmi “Barbi”: Gjithçka që duhet të dini

Published

on

Më në fund duket se një film Barbie do të dalë në ekranin e madh. Ja gjithçka që dimë për filmin:

Regjisore: Greta Gerwig.
Gerwig dhe partneri i saj, Noah Baumbach, kanë qenë të lidhur me projektin si bashkëskenarist që nga viti 2019, por Variety konfirmoi në korrik 2021 se Gerwig do të drejtojë gjithashtu.

Margot Robbie luan si Barbie.
“Ajo ka shumë bagazh!” Robbie i tha British Vogue në qershor 2021. “Dhe shumë lidhje nostalgjike. Njerëzit në përgjithësi dëgjojnë “Barbie” dhe mendojnë, unë e di se cili do të jetë ai film, dhe më pas dëgjojnë se Greta Gerwig po e shkruan dhe e drejton atë, dhe ata thonë, Oh, mirë, ndoshta unë nuk e di…”

Ryan Gosling do të luajë Kenin.
Lajmin e bëri të ditur “Afati “më 22 tetor.

Sony është përpjekur të realizojë një film Barbie që nga viti 2014. Fillimisht ishte Jenny Bicks e Sex and the City që shkruante një skenar, më pas hyri Diablo Cody dhe Amy Schumer mori rolin kryesor. Më pas ajo u largua dhe roli i shkoi Anne Hathaway. Më pas Cody u largua nga projekti, dhe ata në thelb e hoqën të gjithë punën dhe filluan të ri në Warner Bros,me skenarin e Olivia Milch nga Ocean’s 8. Tani, natyrisht, Gerwig dhe Baumbach janë në krye, dhe është e paqartë se me sa nga versionet e mëparshme do të punojnë.

Fillon xhirimet së shpejti.

Gerwig dhe Baumbach aktualisht janë duke punuar në White Noise për Netflix, por ky është projekti i tyre i radhës sapo të përfundojë. Filmi Barbie do të nisë prodhimin në fillim të vitit 2022 në Studios Leavesden të Warner Bros,në Londër, duke synuar të dalë në kinema në vitin 2023, sipas Variety.

Continue Reading

Kulturë

A është Kulla Eifel një përkushtim për një dashuri të humbur? Ja cila është e vërteta!

Published

on

Kulla Eifel ka rrëmbyer prej kohësh zemrat e çifteve të dashuruar.Tani një një film paraqitet teoria romantike e ndërtimit të kësaj kulle, që tërheq mijëra njerëz në botë për ta vizituar, transmeton portal arbresh.info

Eiffel, filmi që do të shfaqet premierë në Paris, tregon historinë e inxhinierit Gustave Eiffel (Romain Duris) dhe udhëtimin e tij për të ndërtuar atë që do të bëhej një nga pikat më të njohura botërore.

Ashtu si në jetën reale, filmi përshkruan Eifelin si fillimisht ngurrues për të ndërtuar kullën 324 metra, e menduar fillimisht si një strukturë e përkohshme për hyrjen në Ekspozitën Universale të vitit 1889. Megjithatë, në një vendim që i huton historianët, ai përfundimisht ra dakord.

Sipas filmit, e tërë kjo kullë është ndërtuar për shkak të një gruaje të quajtur Adrienne Bourgès, të cilin Eiffel e kishte dashuruar si i ri, por që iu refuzua leja për t’u martuar.Filmi pretendon se një takim i rastësishëm midis çiftit më vonë në jetë frymëzoi Eiffel -in për të krijuar kullën, madje duke marrë frymëzim nga inicialet e Adrienne për kornizën ‘A’.

Pas një udhëtimi dhjetëvjeçar nga faqja në ekran, Eiffel është pritur me eksitim të madh nga kritikët dhe pritet të turbarkojë industrinë e kinemasë franceze pas lehtësimit të kufizimeve të Covid-19.Eifel është një përzierje e një historie biografike të saktë historike dhe një historie dashurie imagjinare.

Gustave Eiffel me të vërtetë u takua me Bourgès. Dyshja u prezantuan në vendlindjen e saj Bordo, kur ajo ishte 17 vjeç dhe ai 27 vjeç dhe në fillim të karrierës së tij. Ai kishte ardhur në qytet për të ndërtuar një urë hekuri përtej lumit Garonne.

Romanca lulëzoi dhe dyshja shpresuan të martoheshin, por kërkesa e Eiffel -it për të propozuar u refuzua nga babai i Bourgès, i cili nuk mendoi se ai ishte mjaft i mirë për vajzën e tij.

Continue Reading

Kulturë

Në gjurmët e mbretit të Epirit

Published

on

By

Në gjurmët e mbretit të Epirit

Nga Brixhilda Xhuraj

Prej dy javësh, vëmendja e arkeologëve shqiptarë dhe italianë është zhvendosur në qytetin e gurtë jugor, në Gjirokastër.

Pas disa vitesh ndërprerjeje, në dy site arkeologjike, kanë nisur gërmimet e specialistëve.

Një bashkëpunim mes Universitetit italian të Macerat-ës (UniMc), nën drejtimin e Roberto Perna-s, dhe Institutit të Arkeologjisë në Tiranë, me në krye Belisa Mukën, arkeologë dhe specialistë nga të dyja vendet po punojnë për të gjetur zbulime të reja.

Në një prononcim për Albanian Post, Muka ka shpjeguar se procesi i gërmimeve do të jetë “edhe për dy javë të tjera”.

Ajo thotë se gërmime po kryhen në Antigone, në dy sitet arkeologjike Hadrianopol dhe Paleokastër, në kuadër të projektit “Lugina e Drinosit”.

Hulumtimet financohen nga Programi i Kërkimeve Arkeologjike të Ministrisë së Punëve të Jashtme dhe gëzojnë mbështetjen organizative të Bashkisë Gjirokastër dhe Drejtorisë Rajonale të Monumenteve të Gjirokastrës.

Ndryshe nga paraardhësit e tij, ky projekt synon të aplikojë në Shqipëri modelin më të fundit të menaxhimit të Parqeve arkeologjike.

Ai ka gjetur aplikim në provincën e Macerat-ës, por tanimë do të gjejë shtrirje edhe në të gjithë zonën e Adriatikut.

Kjo duke filluar me Greqinë, Kroacinë, Slloveninë, Serbinë, Italinë dhe Shqipërinë.

Tanimë hulumtimet arkeologjikë do të kryhen nëpërmjet dronëve, skanerëve lazer dhe rindërtimeve 3D.

Gjatë ditës së parë të gërmimeve, profesori italian Perna, bëri me dije se gërmimet arkeologjike të këtij viti kanë nisur në tri hapësira: Palokastër, gërmimet gjeofizike në Hadrianopoli, dhe si risi e misionit të këtij viti janë gërmimet në Parkun Arkeologjik të Antigonesë.

Antigonea u ndërtua në shekullin e III p.e.s. dhe “mbijetoi për rreth 150 vite”.

Emri dëshmon se ai duhet të jetë themeluar nga mbreti Pirro rreth vitit 290 p.e.s. për nder të gruas së tij Antigonesë, bija e mbretit Ptoleme të Egjiptit.

Një ekip nga Universiteti i Camerino, i drejtuar nga Antonio Schettino dhe i përfshirë në mision, po kryen hetime gjeofizike në Hadrianopolis, një qytet romak i studiuar nga tashmë nga UniMc që nga viti 2006.

Gjatë të njëjtës periudhë, arkeologët e UniMc, në bashkëpunim me profesorët Barbara Fidanza dhe Eleonora Cutrini, arkitektët Corrado Gamberoni dhe Ilenia Pierantoni, dhe me restauruesin Giuseppe Mantella do të vazhdojnë gjithashtu përpunimin e “Hartimit dhe zbatimit të Planeve të Menaxhimit” në këtë projekt.

Këtë vit kërkimet synojnë edhe identifikimin e teatrit.

Lugina e Drinos është vlerësuar nga specialistët si një nga mrekullitë arkeologjike të Shqipërisë, pasi aty ndodhen 15 kala e mbi dhjetë site.

Për këtë arsye, ajo është pjesë e UNESCO-s.

Gjetjet e reja do të hedhin dritë për disa periudha historike, duke e kthyer Luginën në një destinacion të rëndësishëm kulturor-turistik. /Albanianpost.com

 

Continue Reading

Aktuale