Connect with us

Lajme

Rikonstruimi i Qeverisë sjell dorëheqjen nga të gjitha pozitat të Vesel Memedit dhe RDK-së

Published

on

Debati mbi rikonstruimin e Qeverisë po zhvillohet në Kuvendin e Republikës së Maqedonisë së Veriut. Edhe pse pritej që ndryshimet të jenë më të mëdha, janë ndryshuar vetë pak emra ministrash. Partitë politike opozitare, por edhe analistë dhe opinionistë u shprehën skeptikë mbi këto ndryshime. Nga partnerët në Qeverinë e Zaevit, vetëm RDK-ja e Vesel Memedit mbeti pa ministri. Flitet se i është ofruar ministri pa resor në vend të asaj të Pushtetit Lokal. Por kjo nuk ka mjaftuar për kreun e RDK-së, që gjithashtu ka pozitën e Nenkryetarit të Kuvendit. Ai paralajmëroi dorëheqje bashkë me të gjithë funksionarët e partisë së tij politike.

Memedi e quajti lojë dhe skenar të përgatitur kundër subjektit të tij politik, shkarkimin e Suhejl Fazliutn nga Ministria e Pushtetit Lokal, duke kërkuar nga Zaev që ta tërheq këtë propozim, ndërsa BDI-ja e Ahmetit të mos e votojë.

“Si për çudi, menjëherë pas rumbullakësimit të proceseve dhe pritjes së madhe për anëtarësim në NATO dhe në BE, dhe pak para zgjedhjeve për kryetar shteti, dikush kishte kurdisur një lojë kundër ministrit tonë, për shkarkim dhe marrjen e ministrisë. Në krye të kësaj valleje, për çudi qëndronte bashkëpuntori më i ngushtë i kryeministrit, njëfar Kiril Partallov, sekretar shtetëror në Ministrinë e Pushtetit Lokal. Në fillim menduam se lojën e ka filluar pa dijen e kryeministrit, por siç shihni edhe vet ju, këtë lojë e përfundoi kryeministri, ku pa asnjë konsultim me ministrin, direkt më thirri që në momentin e fundit të bëjmë pazar për dorëzimin e Ministrisë së Pushtetit Lokal tek LSDM-ja”- sqaron Vesel Memdi i RDK-së.

Memedi theksoi se kjo ministri iu ka takuar shqiptarëve, prandaj ai këtë ia dorëzon Ali Ahmetit dhe BDI-së si partner qeveritar, që kjo e fundit të mos bëjë pazare dhe të  mos e lëshojë këtë ministri tek maqedonasit.

“Në rast se ka ndonjë marrëveshje të fshehtë, që LSDM-ja të propozojë, ndërsa BDI-ja ta votojë, atëherë ne ju dëshmojmë këtyre dhe gjithë opinionit publik në përgjithësi, se nuk dëshirojmë të jemi pjesë e kësaj marrëveshjeje. E kemi dëshmuar në fillim, e dëshmojmë edhe tani, se postet nuk janë aspak të rëndësishme për ne, por simbolika se çka përfaqësojmë dhe çka mbrojmë. Për të dëshmuar këtë vlerë të lartë, sot do të dorëzojmë dorëheqjet tona të parevokueshme nga të gjitha drejtoritë dhe këshillat drejtuese të alokuara, dhe kulminacioni i kësaj vlere sublime është tërheqja nga pozita e nënkryetarit të Kuvendit, si dhe dorëzimi i mandatit të deputetit në Kuvendin e Republikës së Maqedonisë së Veriut” – përfundon kreu in RDK-së, Vesel Memedi, përcjell in7.tv.

Vesel Memedi u zgjodh deputet në zgjedhjet e viti 2016 si pjesë e koalicionit të quajtur Aleanca për Shqiptarët, ku bënim pjesë RDK, Uniteti dhe LR-PDSH. Menjëherë në listën për deputet pas Memedit, vjen Arta Toçi nga Tetova, Kryetare e Forumit të Gruas të Aleancës për Shqiptarët./in7.tv/

 

Continue Reading

Lajme

Dauti: Për shtetësinë e vëllezërve Azizi, nuk duhet mendim nga ASK-ja

Published

on

By

Dauti: Për shtetësinë e vëllezërve Azizi, nuk duhet mendim nga ASK-ja

Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.

Dy janë momentet që duhet potencuar për byrokratët që guxojnë të jenë mbi ligjin:

1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.

2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Lajme

Kriza energjetike problem për kompanitë!

Published

on

By

Kriza energjetike problem për kompanitë!

Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.

“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.

“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.

Continue Reading

Aktuale