Connect with us

Kulturë

Studentët e shkencave të mjekësisë të UT-së ndoqën trajnime speciale për emergjencë dhe stomatologji

Published

on

Në kuadër të Kongresit Shkencave të Natyrës, Shëndetësisë dhe Teknologjisë, që u organizua nga Universiteti Tetovës, Fakulteti i Shkencave të Mjekësisë e organizoi Konferencën IV shkencore ndërkombëtare me pjesëmarrje të një numri të madh të studiuesve nga vendi, rajoni dhe bota. Në këtë konferencë u prezantuan punime shkencore rreth zhvillimeve të fundit nga mjekësia, si dhe u analizuan prurjet e reja shkencore. Veç kësaj, konferenca u pasurua edhe me realizimin e dy punëtorive shkencore.

Për studentët e shkencave të mjekësisë u realizua punëtoria me temë: “Mbështetja themelore e jetës – defibrilatori i jashtëm automatik MTHJ – DJA”, nën udhëheqjen e Prof. Asoc. Dr. sc. Basri Lenjani dhe Prof. Asc. Agron Dogjani. Kjo punëtori përfshiu trajnim me 3 orë leksione dhe 5 orë demonstrim praktik. Gjatë kësaj kohe u bë trajnimi dhe përvetësimi i shkathtësive të nevojshme për MTHJ – DJA; masazhi i jashtëm, lirimi i rrugëve ajrore dhe frymëmarrja jetëshpëtuese artificiale në përputhje me rekomandimet e RKP – AHA – ECR 2015, duke aplikuar standardin e përdorimit të AED në Evropë dhe në botë. Këtu u përfshinë kujdesi te personat me vetëdije të humbur, mënyrat e zgjidhjes së rasteve që kanë mbyllje të rrugëve të frymëmarrjes me trupat e huaj, gjakderdhjet dhe metodat e ndaljes së gjakderdhjes, ndihma e parë te të lënduarit, duke njohur të gjitha llojet e lëndimeve dhe kujdesin e tyre në nivelin e ndihmës së parë. Vëmendje e veçantë iu kushtua teknikave të trajnimit, të ngritjes dhe transportimit të të lënduarve: me një shpëtimtar ose më shumë shpëtimtarë, pa pajisje dhe me përdorimin e mjeteve të transportit standard ose të improvizuar, dhe mobilizimin e të lënduarve. Pas përfundimit të programit të trajnimit, të gjithë kandidatëve pjesëmarrës në trajnim iu ndanë certifikata për shkathtësitë e përfituara për aplikimin e masave të MTHJ – DJA, e cila ka për qëllim që profesionistët e kujdesit shëndetësor, mjekë, studentë, infermierë dhe personeli jomjekësor, të kenë aftësi për rastet jetëkërcënuese për shëndetin.

Ndërsa punëtoria tjetër u zhvillua me studentët e programit studimor të Stomatologjisë, të cilët për katër ditë me radhë e ndoqën kursin me temë “Principet, diagnostika dhe planifikimi i implanteve dhe terapia e implant – protetikës”, të udhëhequr nga Doc. Dr. Jetmire Alimani – Jakupi dhe Dr. Danço Bizevski. Gjatë realizimit të kësaj punëtorie janë punuar dhe analizuar bazat e kirurgjisë orale, anatomia e kokës dhe qafës, sterilizimi, kushtet e sepsës dhe antisepsës, si dhe është mbajtur pjesa praktike, si simulimi i pacientit, fusha punuese operative me nofullat e kafshëve, vendosja e implanteve, planifikimi i fazës protetikore, vendosja e implanteve në nofulla, vendosja e formeragingivave dhe transfereve, si dhe marrja e masave mbi implante.

Punëtoria e stomatologjisë u përmbyll me ndjekjen e intervenimeve të drejtpërdrejta kirurgjike, edhe atë implantim në mandibullë, vendosjen e abatmenëve të përkohshëm, si dhe marrja e masave në konstruksionin definitiv protetik. Ndërsa për pjesëmarrësit në këtë kurs janë ndarë certifikata për aftësitë e fituara nga ky trajnim.

Continue Reading

Kulturë

Përgatitet ligji i ri për Kulturë, Sindikata e Kulturës ka reaguar ndaj mënyrës se si zhvillohet procedura (Video)

Published

on

Sindikata e Kulturës e Republikës së Maqedonisë (SKRM) ka reaguar ndaj mënyrës se si zhvillohet procedura për projekt-versionin e Ligjit të ri për Kulturë, duke alarmuar se nuk janë të kyçur në grupet e punës, me cka sipas tyre, cënohen raportet e mira që me vite janë ndërtuar me Ministrinë e Kulturës, përcjell in7

“Përmes procesit jotransparent, që në thelb nuk dallon shumë nga ligji skandaloz I vitit 2014, sinqerisht dhe publikisht pyesim nëse diksuh me qëllim në atë Ministri dëshiron të cënojë raportet e partneriteit dhe nëse dikush përmes këtij propozim ligji përpiqet ta sabotojë dialogun social” – tha Vera Atanasovska, kryetare e Sindikatës për Kulturë të Republikës së Maqedonisë.

Ministria e Kulturës ka njoftuar se Propozimligji për realizimin e interesit publik në kulturë, që është dorëzuar në Kuvend në Janar të vitit 2020, për shkak të vërejtjeve të shumta është tërhequr nga procedura e mëtejshme.

“Teksti është dërguar tek sindikatat me kërkesë që të japin mendime dhe vërejtje deri më 8 nëntor 2022. Në periudhën e ardhshme do të punohet në këtë projekt-version konform propozimeve, vërejtjeve dhe mendimeve të sindikatës. Periudha kohore nuk është e kufizuar dhe kur teksti të harmonizohet me sindikatat, do të nis procedura për debat të gjerë publik” – thonë nga ministria e Kulturës.

Ministria e Kulturës beson se sindikatat me pjesëmarrjen e tyre në përgatitjen e ligjit të ri për Kulturë, do të japin një kontribut cilësor për të rregulluar këtë sferë dhe do të kontribuojnë për një ligj të ri, bashkëkohor dhe evropian për kulturë./in7.tv/

Continue Reading

Kulturë

Akuzohet nga prindërit për sjellje agresive, arrestohet nga policia

Published

on

By

Akuzohet nga prindërit për sjellje agresive, arrestohet nga policia

Sektori për Punë të Brendshme-Tetovë njofton se mbrëmë ka arrestuar 43 vjeçarin nga Tetova, të cilin paraprakisht e denoncuan prindërit e tij për sjellje agresive ndaj tyre. Policia merret me zbardhjen e rastit.

“Dje në mbrëmje (11-gusht) rreth orës 22:35, zyrtarët policorë të SPB Tetovë kanë ndaluar 43-vjeçarin O.S. nga Tetova, i cili paraprakisht ishte denoncuar nga prindërit e tij se po sillej agresive ndaj tyre. Ai është ndaluar në Stacionin Policor Tetovë për zbardhjen dhe dokumentimin e rastit, pas së cilës do të përpilohet raport përkatës”, deklaroi Fatmir Rexhepi, zëdhënës i SPB-Tetovë.

Continue Reading

Kulturë

Sërish raketa drejt centralit bërthamor në Ukrainë

Published

on

By

Sërish raketa drejt centralit bërthamor në Ukrainë

Sulme të tjera me raketa janë raportuar mbrëmjen e së enjtes dhe mëngjesin e së premtes në drejtim të centralit bërthamor të Zaporizhzhia, mes Rusinë dhe Ukrainën që akuzojnë njëra-tjetrën për përgjegjësinë.

Mediat raportojnë se të paktën 10 raketa ranë pranë zyrës dhe stacionit të zjarrfikësve në termocentralin bërthamor më të madh në Europë.

Në një takim të Këshillit të Sigurimit të OKB-së, i thirrur për të diskutuar situatën, kreu i Agjencisë Bërthamore, Rafael Grossi paralajmëruar kjo është diçka e rëndë. Sekretari i Përgjithshëm i OKB-së, António Guterres tha gjithashtu ngjarja mund të çojë në një katastrofë të rëndë.

Kina dhe SHBA kërkuan që ekspertët e OKB-së të lejohen urgjentisht të vizitojnë centralin, por kërkesa të ngjashme në të kaluarën deri më tani nuk janë pranuar.

Më herët, SHBA-ja bëri thirrje gjithashtu për krijimin e një zone të çmilitarizuar rreth tij, por përfaqësuesi i Rusisë në OKB tha se çmilitarizimi nuk është një opsion, pasi ai do ta bënte centralin më të prekshëm ndaj provokimeve dhe sulmeve terroriste.

Continue Reading

Aktuale