Connect with us

Kolumna

Berisha ka një pyetje për Ali Ahmetin dhe Zaevin

Published

on

Nga Ejup Berisha/

Për zbatimin e Vetingut nevoitet bazë adekuate ligjore a e kemi ne këtë Z.Zaev dhe Z.Ahmeti ?.
Pse Fshesën e zëvendësuan me Veting, apo pse aktorët politik qeveritar i zëvendësuan jo vetëmse emërtimet por edhe aktet, për çfar arsyesh një qështje shumë të qëlluar, reale dhe e domosdoshme siç ishte paralajmërimi i Kryeministrit Zoran Zaev për përdorimin e fshesës e shëndrruan në gatishmëri për të zbatuar Veting. Nuk e kuptoj se pse e gjithë kjo lojë e përcjellë me manovra dhe intriga politike . Nëse në Maqedoni duan të bëjnë diçka të mençur dhe të duhur politikanët e pushtetit duhet ti marrrin fshesat në duart e tyre dhe duhet që ti pastrojnë me të madhe dhe sa më shpejtë zyrat bashk me ambientet e tjera punuese të Qeverisë dhe të institucioneve të tjera shtetërore dhe publike nga njerëz joserioz, tendencioz, të paaftë, përtac, të paedukuar dhe paditur. Kjo nismë e pastrimit të radhëve të Qeverisë dhe të institucioneve publike dhe shtetërore shumë me të drejtë nga Kryeministri Zoran Zaev u quajt Fshesa dhe ashtu edhe është dashur që të mbetet, ndërsa i pari i Qeverisë në asnjë moment nuk është dashur të zbrapset nga ideja e tij si pasojë e imponimeve dhe shantazheve të partnerëve të koalicionit qeveritar. Pra pse kalkulohet padrejtësisht me terme dhe emërtime në aspekt formal kur është koha që të flitet për çështje të domosdoshme konkrete dhe praktike jetësore. Sipas meje Partitë mund ta zbatojnë vetëmse akcionin e pastrimit por nuk mund ta inicojnë konceptojnë e aq më pak ta zbatojnë vetë Veting. Edhe njëher pra do të përsëris Vetingun nuk mund ta inicojnë ta ideojnë dh zbatojnë Partitë në pushtet, kjo është shumë e pakuptimtë. Përfaqsuesit e këtyre subjekteve politike të cilat edhe vet mund të jenë lëndë vetingu nuk mund të zbatojnë veting. Pra Vetingun duhet ta inicojnë e ideojnë dhe zbatojnë institucione profesionale dhe të pavarura prej politikës dhe Partive politike e jo vetë këto subjekte politike ta zbatojnë një gjë të tillë. Pra ato kategori funkcionerësh të cilët u përmendën më lartë nga unë duhet të përfshihen sa më shpejtë në akcionin fshesa dhe të fluturojnë nga institucionet. Këtë gjë mund ta bëjnë Partitë politike me ata funkcionar të cilët i kanë propozuar emëruar apo dhe rekrutuar vetë nga radhët e tyre Ndërsa procesi i Vetingut apo aktiviteti i inspektimit, i kontrollimit apo dhe i verifikimit të personaliteteve nëpër institucione shtetërore dhe publike duhet ti përfshijë të gjithë funkcionerët shtetëror dhe publik pa përjashtime, Pra vetingun duhet ta inicojnë e ideojnë dhe zbatojnë institucione profesionale dhe të pavarura ndërsa Vetingu nuk mund të zbatohet me shpejtësi siç po duan ta zbatojnë disa Parti politike por edhe pa pasur ndojnë bazë adekuate ligjore. Pra për ta zbatuar vetingun nevoitet bazë ligjore ndërsa çdo gjë që bëhet jashta kësaj baze juridike do të jetë veprim kundërligjor. Ne me sa di unë nuk e kemi bazën adekuate dhe të domosdoshme ligjore për të zbatuar Vetingun nëse e krijojnë do të jetë në rregull
Çfar është Vettingu

Vetingu ësht procesi që shërben për përjashtimin e zyrtarëve publik, të cilët nuk kanë integritet në përmbushjen e detyrimeve dhe obligimeve të tyre Kushtetuese e ligjore, Në këtë mënyrë duhet që të rikthehet besimi i publikut në punën e institucioneve shtetërore dhe publike. Procesi i vetingut, si rregull, duhet të zbatohet duke kontrolluar figurën e dikujt përpara se t’i ofrohet një vend pune. Në varësi të vendit të punës ose të projektit, procesi i vetingut mund të bazohet në kontrollin e aftësive, personalitetit, pasurisë ose të ndonjë faktori tjetër që lidhet me qëllimin e vetingut. Zotërinjë politikan ju lutemi mos u ngutni sese një fjalë popullore thotë Kush ngutet bëhet pa larë

Continue Reading

Kolumna

Fenomeni i një “Dvizhenje”-je dhe mendjemadhësisë

Published

on

By

Fenomeni i një “Dvizhenje”-je dhe mendjemadhësisë

Nga: Mr. Driton Nebiu

Në konkurencën për të fituar titullin e “Mashtruesit më të madhë”, padyshim se vendi i parë i takon “më të madhit” të “Dvizhenjes” Besa e që me kalimin e kohës u shëndrrua në MOZHEME.

Ishte një tentim i planifikuar mirë, nga qarqe të dyshimta për të bërë gjoja një ndryshim në hapsirën politike brenda shqiptarëve të Maqedonisë së veriut, e paketuar si në aspektin finansiar, poashtu edhe në ate “kombëtar”, duke pasur parasysh se fillimisht morën për emër simbolin e të qenurit shqiptar, i përkushtuar në mbrojtjen e fjalës së dhënë – BESËS, e që realisht ishte Kali i Trojës brenda organizimit opozitar shqiptar, organizim që duhej të pengonte Lëzivjen për Reforma në opozitën e kohës, e cila tanimë kishte filluar rrugëtimin e vet të pandalshëm drejt të qenurit zëri i popullit në skenën politike të vendit.

“Lëvizja” e atëhershme e që më vonë do të shëndrrohet në “Dvizhenje”, si premtim bazë të veprimit e kishte një far lloj “Ridefinimi” të shoqërisë, e që realisht, më vonë u dëshmua, se ishte vetëm një floskulë e radhës, që u shfrytëzua sa për të përfunduar në listen e përbashkët parazgjedhore nën moton “Mozheme” sa për të fituar disa ulëse deputetësh tejet pasiv, po jo edhe ridefinimin e premtuar.

Duke shfaqur haptazi qëllimin real, ruajtjen e pozitave dhe pushtetit për grupe të ngushta të interesit, “Dvizhenja” nuk e tejkaloi veten as pas zgjedhjeve lokale ku falë opozitës shqiptare mori në menaxhim komunën më të madhe ndër shqiptarët, por përkundrazi në rastin e pare të mundshëm si shenjë falemnderimi e vetëdijshme për forcën reale politike në vend të barazuar me të qenurit vetëm një parti lokale e asgjë më shumë, tentoi të dobësojë ata që dje i ndihmuan, por kot.

Pretendimi aktual se ata përfaqësojnë opozitën shqiptare është edhe një tentim mashtrimi i radhës nga “më i madhi” i “Dvizhenjes” edhe pse është i vetëdishëm se nuk i kalon, por ja që kështu i është caktuar detyra dhe urdhërat duhet të zbatohen, e aq më shumë sot kur rejtingun duhet t’ua menaxhojë forca që pengon vendin drejt inkuadrimit në Bashkimin Evropain dhe vlerave perëndimore.

Stabiliteti politik, ekonomik e institucional i shtetit, e me këtë edhe ai i sigurisë së vendit, dhe orijentimi pro evropian është një kategori që nuk ka alternativë, por kërkon qasje serioze dhe subjekte serioze për menaxhim e përfaqësim, largë partive sezonale. Është kjo kategori e rëndë që kërkon fuqi e madhështi, e në këtë nivel gjithkush edhe nuk e ka vendin, përpos si spektatorë. Të tillë janë edhe këta të “Dvizhenjes”.
Jo më kot është thënë: “Mendjemadhësia është dhurata që bëri Zoti për njerëzit e vegjël…”.

Continue Reading

Kolumna

Haraçina sot…

Published

on

By

Haraçina sot…

Shkruan, Driton Nebiu, Magjister i shkencave politike

“Komunë e zhvilluar me një administratë efektive, me rrugë të asfaltuara, me shtigje për këmbësorë, me ujësjellës e me ujë të pijshëm të sjellur nga Penda e Likovës, me kanalizim, me shtëpi të shëndetit dhe përkujdesje 24 orëshe shëndetësore për popullatën, me transport të garantuar për të gjithë nxënësit nga ana e komunës, me kushte dhe standarde evropjane në shkolla, me investim në sport, me fushë futbolli për Klubin Futbollistik “Shkëndija”, me premtime të realizuara, pa paradime të kota politike sa për sy e faqe dhe për marketing të ulët politik, po qoftë edhe nga strukturat e larta shtetërore të mos them partiake, pa as edhe një donacion të huaj, po gjithçka me punë, përkushtim, mirë menaxhim nga ana e të parit të komunës.

Është ky një realitet i ditëve të sotme që po e jetojmë të gjithë ne banorët e Haraçinës…”

Nuk po më besoni?!

Keni të drejtë, ishte kjo vetëm një ëndërr dhe një dëshirë, po edhe një premtim i parealizuar parazgjedhor i dhënë në moment entuziazmi dhe pa asnjë lloj përgjegjësie se një ditë do të vijë edhe koha e ballafaqimit me realitetin, e që fatkeqësisht është e gjitha e kundërta e ëndrrës fillestare të përshkruar në këtë tekst.

U zbehën edhe fletushkat propaganduese, por na mbeti realiteti.

Haraçina edhe sot me një rrugë të asfaltuar nga “Rrugët e Maqedonisë” të cilën punë e përvetëson i pari i komunës. Haraçina pa as edhe një pikë uji nga Penda e Likovës, e fatmirësisht me ujë të siguruar nga donacioni i dhënë nga komuna “Ejup Sulltan” e Turqisë përmes Shoqatës së Brezës, edhe kjo punë që e përvetëson i pari i Komunës. Haraçina pa shteg për këmbësorët në veçanti për nxënësit e shkollës së niveleve të ulëta, po me mezi 1 km ndërtim të tillë e që si duket është kilometri i vetëm i punuar në të gjitha lëmitë brenda mandatit një vjeçar.

Haraçina pa përkujdesje shëndetësore, e lënë në mëshirën e shtëpisë së shëndetit në Maxhari dhe vet banorëve të saj, në stilin secili si të mundet, vetëm të sigurojë përkujdesjen për shëndetin e tyre. Haraçina pa transport të organizuar e të siguruar për nxënësit, të lënë në mëshirën dhe barrën e vet prindërve për një shkollim obligativ. Haraçina me kushte të mjerueshme në shkollë e pa as edhe një investim më të vogël në sport e kulturë, duke lënë Klubin futbollistik të zemrës së Haraçinës “Shkëndinë” që të zhvillojë ndeshjet në Hasanbeg, falë mëshirës së Klubit simotër “Fortuna”.

E kjo është Haraçina e ditëve të sotme, Haraçina e realitetit e jo e ëndrrës së kotë.

Këtë më së miri e dinë haraçinasit. Ata kuptuan se kush po gënjen e kush po mashtron. Këtij populli i duhen projekte e premtime të realizuara, e jo paradime të kota të atyre që nuk i duan as në lagjet e tyre. Popullata don punë, se për punë u ka dhënë votë.

Mos harroni se vota është e shenjtë, vota është AMANET. Mos e shkelni!

Edhe pse nuk e keni vetëm këtë që e shkelët.

U qoftë për nder!

Continue Reading

Kolumna

Politikanët tanë – Fatkeqësia e popullit

Published

on

By

Shkruan Lulzim Nasufi

POLITIKANËT TANË – FATKEQËSIA E POPULLIT

Sa të koordinuar janë politikanët tanë në mossuksesin e misionit të tyre dhe prapshtitë e tyre në politikbërje, ju përcjell disa fakte:

Më datë 25.09.2022, zëvendës-kryeministri për çështje ekonomike Bytyqi, për të justifikuar dështimin politik të politikanëve tanë paraprak, si zyrtar me post të lartë, dha informacion të saktë dhe të frikshëm se “nga RMV, brenda 8 viteve të fundit janë shpërngulur mbi 700.000 qytetarë në shtetet perëndimore” dhe po të njëjtën ditë kryetari i BDI-së Ahmeti, në një takim partiak, nga inatet ndaj disa anëtarëve të tij të ashtuquajtur “grupi i zjarrit” – konstatoi “jam me mision, jo në detyrë, ashtu që këtu do të më keni edhe katër vite”.

Sipas trendit të migrimit të popullsisë, bie që për katër vite, nga RMV janë shpërgulur 350.000 qytetarë. Sipas kësaj, misioni i Ahmetit është që edhe për katër vite në krye të BDI –së, me funksionarët e tij të korruptuar, të rrisë numrin e të ,,integruarve“ në botën perëndimore në 1.000.000 banorë, që i bie gjysma e numrit të popullsisë do të shpërngulen nga RMV.

Dhe si “qershia mbi tortë”, nga i gjithë ky “optimizëm i madh pozitiv dhe shpresëdhënës”, më datë 28.09.2022, numri një i shtetit, presidenti Stevo Pendarovski do të konstatojë: “edhe unë po të isha në vendin tuaj me rrogë prej 400 euro, do të kisha ikur prej RMV”.

Çështja thelbësore është se populli të gjitha këto i di dhe i bën. Mos e nënvlerësoni intelegjencën e popullit, nuk ka nevoj ju t’ia kumtoni dhe t’ia tregoni! Por, çfarë keni bërë ju, ose më thjeshtë, pse e keni sjellur popullin në situatë të këtillë gjithë këto vite dhe, më e rëndësishmja, çfarë plani – vizioni keni bërë për të ardhmen e këtij shteti dhe këtyre qytetarëve? Sepse për atë paguheni me paratë e popullit!

#NDRYSHIME
#DREJTËSI
#STOPKRIMITDHEKORRUPSIONIT

Continue Reading

Aktuale