Connect with us

Kolumna

Ali Ahmeti përballë “fshesës” të Zaevit!

Published

on

Nga Bekim Adili/

Zgjedhjet presidenciale nxorrën një rezultat të disfavorshëm për partin e kryeministrit Zaev.Kjo situatë e detyroj Kryetarin e LSDM-së,të analizoj shifrat e votuesve.

Moment i favorshëm mesa duket për Kryeministrin Zaev që ti përgjigjet edhe kërkesës nën zë që e pësoj përmes penalizimit nga vota e elektoratit maqedonas.Por e kujt përmase do të jetë “fshesa”,që do të thotë spastrimi qeverisë por dhe i klasës politike nga eksponentë të lidhur me korrupsionin dhe krimin e organizuar.

Janë dy pista përmes të cilave duhet të bëjë zgjidhjen Zaev.

E para është e llojit të një ndryshimi kozmetik që nënkupton largimin dhe zëvendësimin e disa zyrtarëve me pretekst se nuk kan rezultate në qeverisje.Por që do ishte sipërfaqësore dhe aspak e dobishme për Zaev,çka nënkuptohet se kjo reform jo që nuk e ndihmon por përkundrazi shumë shpejt mund ta nxjerri në opozitë sërish LSDM-në.

Dhe pista e dytë më e vështirë por që realisht pritshmërit nga faktori ndërkombëtar në mënyr konstante lidhen me vedosjen e shtetit të së drejtës,e në veçanti nga elektorati maqedonas, janë që “fshesa” e pastrimit të jetë më e thellë dhe më serioze.Bazuar në bashkëqeverisjen e 10 viteve nga të cilat u dënuan dhe u ngritën aktpadi ndaj disa zyrtarëve të VMRO-së me fenomenin e “bombave”,e ku për aq sa ndëgjuam të përfshir ishin edhe zyrtarë shqiptar dhe eskponentë të klasës sonë politike.Por që në emër të votave dhe reformave që lidheshin me emrin dhe zgjedhjen e Presidentit,mesa duket Zaev i kaloj në heshtje duke mos ngritur asnjë padi ndaj zyrtarëve shqiptar,e që tani pas përmbylljes së këtij procesi ndoshta mendon se është edhe koha më e përshtatëshme e “fshesës”.Ku dukshëm në horizont lexohet se ky pastrim më shumë i dedikohet BDI-së.

Paralajmrim të cilin Zaev e la të nënkuptohet nga momenti kur ai falenderojë për arritjen e fitores presidenciale dy partit shqiptare opozitare (ASH-në dhe Besën),një sinjal i cili la për të kuptuar,se në kabinetin e tij tani që nuk ka nevojën e votave parlamentare të BDI-së,mund të ndërmarr nismën e rokadës duke i zëvendësuar me ato të Aleancës për Shqiptarët dhe Lëvizjes Besa.Sfida të cilat Zaevit i kërkohen hapur nga bashkëpuntor të afërt,përmes të cilave ai mund të forcoj pozitën e LSDM-së,në veçanti në elektoratin maqedonas,i cili në shumicë mbështet gjithmon atë forcë politike e cila duket më nacionaliste kur bëhet fjalë për shqiptarët.

–Por si pritet të veproj në këtë rast lideri BDI-së Ali Ahmeti,nëse insistimi Zaevit do të jetë i prerë në kërkim të fshesës që shtjelluam pak më lartë e që ishin kërkesat e pistës apo rrugës së dytë!?

Për opinion Ali Ahmeti gjithnjë ka deklaruar se është i hapur për drejtësi dhe nëse Prokuroria Speciale ka dëshmi mbi afera korruptive ai ka deklaruar se nuk do të jetë në mbrojtje të asnjë bashkëpuntori,zyrtari apo bashkëpartiaku të partisë së tij. Në këto raste akti më i rëndësishëm është kurajoja për të vendos,cilësia e vendimeve që ndërmerr,guximi që të karakterizon,maturia e largëpamësia si tipare që kanë njerëzit e suksesshëm,veprime të cilat për hirë të së vërtetës Ali Ahmetit nuk i kan munguar në këto 20 vite, dhe i cili jo rastësisht në dy dekada është lideri vetëm në mbar hapsirat shqiptare që nuk ka pësuar asnjë humbje elektorale.

Personalisht mendojë se pas një periudhe të gjatë qeverisëse është momenti që zyrtarët e saj,të gjejn forcë morale që është e lidhur me ndërgjegjen e tyre,për ti hapur rrugë ”fshesës” së lidershipit të partisë,në mënyr që të pastrohet nga elementi negativ dhe i paaftë shtëpia e tyre politike.E kundërta e saj,rezistimi me çdo kusht nga eskponentë të përfshirë në skandale për ti përballuar “fshesës”,bashkë me rënjen e tyre dhe të subjektit do të marrin pas tyre dhe Liderin e partisë.I cili nëse do të marrë guximin të pastrojë subjektin e tij,mund të shpëtoj veten pa asnjë humbje nga betejat luftarake deri te ato politike.

Kohë e cila më pas mund ti shërbej kësaj force politike, të ndërtoj strategji të reja në përputhje me epokën në të cilën jetojmë rreth riorganizimit të saj,veprim i cili të nesërmen do të jetë edhe në funksion të shoqërisë në tërësi nga një përfaqësim i ri,me potenciale e botëkuptime të reja.

Që do të thotë se pikërisht në prag të organizimit të kongresit partiak,duhet të ofrohen njerëz me ide progresiste të cilët kanë pregaditje,vullnet dhe pasion për ta shëndrruar subjektin politik si një streh të njerëzve që dijn e kanë kapacitete,që të nesërmen të jetë busulla e shtresës meritore,duke mbrojtur interesat e qytetarëve dhe duke ndihmuar përmes qeverisjes efikase rritjen e cilësis të jetës,me qëllimin e arsyen për të bindur që të qëndrojnë gjithë ata të rinj që sot duan të ikin për shkak të standardit, mungesë së papunësisë,padrejtësis e pabarazisë,që jo në pak raste ka egzistuar.

Subjektet tona në rastin konkret BDI,duhet të jetë një instrument për ti administruar resurset tona shumë më mirë në dobi të interesit publik.

Autoriteti padiskutueshëm i liderit të BDI-së,duhet të ofrojë përfaqësues sa më dinjitoz e kuadro të rinj, të pregaditur e të dëshmuar në profesionet e tyre.Ata të cilët duhet të edukohen për ti shërbyer vendit,ata të cilët duhet ta drejtojnë të nesërmen anijen tonë në ujëra të qeta dhe në brigje të sigurta.Pas një periudhe gati 30 vjeçare konflikti e pasigurie,pas shumë gjaku e sakrifice të derdhur,kur nesër shpresojm të jemi pjesë e vendeve euro-atlantike,kur në diaspor kemi potencial të mjaftueshëm të burimeve njerëzore e të kapitaleve të tyre për investime të mundshme,a meritojmë mos qeverisemi më mirë,a meritojmë të prodhojmë ikjen e gjakut tonë në shërbim të vendeve të huaja e këtu të thellojm varfërin,a meritojmë ne të kemi shkolla dhe arsimim të dobët,a meritojmë ne të kemi shërbim mjekësor jo efikas,a meritojmë të kemi problem me drejtësin në gjykata,a meritojmë ne të kemi administratë të korruptuar,të politizuar e një pjesë e tyre të paaftë për të kryer detyrën,a meritojmë pabarazi dhe padrejtësi në punësime dhe emrime,a meritojmë ne tu trashëgojmë brezave të ardhshëm kaq shumë mosbesim për perspektiv në vendin e tyre që pas disa dekadave vendi ynë të zbrazet nga shqiptarët,a meritojmë ne të jemi kaq të pashpresë?!

Unë them JO,sepse kemi shumë më tepër arsye dhe argumenta për të qenë më mirë në vendin tonë.Sepse shoqëria shqiptare realisht disponon me kapacitete të nevojshme të cilët,nëse klasa jonë poltike ka vullnet për ndryshime duhet ti ofrojë e shfrytëzoj për një qeverisje më dinjitoze,pritshmëri e cila realisht egziston në shumicë edhe nga vetë elektorati subjektit tonë qeverisës.

Edhe popujt e përparuar janë organizuar përmes përfaqësimit të partive të tyre por që dekad pas dekadash ato tjetërsohen në raport me evolimin e kohës.Ngjashëm sikurse po troket nevoja e riorganizimit të partisë më të madhe shqiptare që realisht ka bërë histori.E që rrugëtimi saj nuk ka qenë aspak i lehtë.Duke filluar si organizatë politike në ilegalitet ku gjeneza e saj fillet e veprimtarisë i ka që nga vitet e 70-ta,më pas nga forcë ushtarake u shëndrrua në një subjekt politik tradicional e që sot koha e kërkon të avancoj në filozofin e saj në përputhje me evulimin që kërkon epoka e globalizmit.Ku kuadrot tona për bazë kundështarësh politik duhet të kenë konkurencën e Brukselit e jo të Shkupit.

Andaj pastrimin e këtij subjekti që mbi supe ka një jetëgjatësi gati gjysëm shekullore,nuk ka nevojë ta bëjë Zaevi,por vetë ai që është pjesë e veprimtarisë që nga lindja e saj e deri sot.Një inciativ të ngjashme sikurse njeriu pastron veten nga toksinat përmes agjerimit e që forcon dinjitetin,ushqen ndjenjën e solidaritetit dhe humanizmit në muajin e Ramazanit,vlera sublime të cilat kalisin e forcojn aspketin moral e fizik,duhet të jetë moto për riorganizimin politik të BDI-së.Njeriu ushqehet edhe nga idet e të tjerëve por gjithsesi jeton nga vendimet që merr.Vendimet e duhura e rrisin dhe e bëjnë atë të dobishëm.

Ai,pra Ali Ahmeti lindjen e tij e ka shëndrruar në një vler të pavdekëshme me proceset që mbarti.Sfidat më të vështira të cilat i përmbylli me proceset e fundit janë në kulmin e të arriturave në veprimtarin e tij politike.Ngelet për të parë se si do të menaxhojë vendimarrjet që pasojn e që lidhen me të ardhmen e subjektit të tij dhe vetë përmbylljes së karrierës personale, momente të cilat nëse i referohemi maturis që e karakterizon,gjasat janë që të ngeli një triumfator i pamposhtur,

si nëbeteja luftarake dhe në ato politike.

Continue Reading

Kolumna

“Shani” me votë ditën e zgjedhjeve, nëse nuk e bëni atë ditë, mos u “shani” asnjëherë!

Published

on

Shkruan: Hasim Memishi – Sopi, Aktor

“SHANI” ME VOTË!

Politikanët e marrin fuqinë nga populli me anë të votës, prandaj më mirë është të “shahemi” me votë!
Nesër, mos votoni ata që kanë kaluar nga “shiltet” në gucci!
Nesër ju jeni fuqia, prandaj duhet t’i ndëshkoni me votë!
Nesër, Ne ua japim pushtetin e tenderit, korrupsionit, manipulimit, ofendimit, nënçmimit, përçmimit e “shitpordhjes”
Mos votoni ata që kanë blerë diplomat;
Mos votoni arrogantët injorant!
Mos votoni keqpërdoruesit!
Mos votoni amatorët, abuzuesit!
Mos votoni ata që janë bërë milioner vetëm duke bërë selfi!
Shani ditën e zgjedhjeve, sepse atë ditë shajnë të mençurit!
Mos e shitni votën për një thes miell, për një punë në administratë, për një premtim bosh, për premtimet për BE me dekada të tëra!
“Shani” me votë nesër, nëse nuk e bëni nesër, mos u “shani” asnjëherë!

P.s: unë çekaç di t’ju thom, prap Ju e dini ma majr!

Continue Reading

Kolumna

Demiri: Inxhinierë e magjistra punojnë si kamerier, të paditurit bëjnë ligje…

Published

on

Shkruan: Osman DEMIRI

Që kur na lan si numra, partitë politike kanë bërë petulla për vete. Pse duhet të ketë numra, pse mos të jenë emri dhe mbiemri, dhe aq?! Pse nuk janë listat e hapura, me emër e mbiemër, por duhet që me numra të shtyejmë përpara të paditurit, analfabetët, matrapazët? Nëpër lista kam plot miq e shokë dhe njerëz të dëshmuar nga të gjitha partitë dhe të gjithë nacionalitet, që pa asnjë hezitim do t’i kisha rrethuar!

Njërin nga njëra parti, dy apo tre nga partia tjetër, duke e plotesuar mozaikun politik me njerëz të shquar, me njerëz të cilët nuk na turpërojnë dhe degradojnë në këtë mënyre! Janë mbushur listat me ushtarë partiak, me sllogane qesharake, koncepte patetike, përmbajtje mediokre.

Na e dëbuan rininë duke ua nënvlerësuar intelegjencën. Profesorë, inxhinierë e magjistra punojne si kamerier, kurse ata që memzi kanë kryer shkollën e mesme, me kostume e kollare bëjnë ligjin dhe sorollaten nëpër ministri e drejtori! Dhe prap numra, 20 apo 30 kandidat të dëshmuar, shtyejnë përpara 2 apo 3 të dështuar! Eshtë koha që t’na llogarisni si njerëz, JO SI NUMRA!

Continue Reading

Kolumna

Si ta përmirësojmë mirëqenien mendore

Published

on

Autore: Mr. sc. Sema Halili- Psikologe e Licencuar në Psikologjinë e Shëndetit Mental,Magjistre e Psikologjisë Klinike, Gestalt Psikoterapeute e Licencuar nga EAGT/Trajnere, EMI Practioner dhe Psikotraumatologe.

Shëndet i mirë mendor nuk është diçka që ju keni por është ajo që bëni. Që të jeni me shëndet të mirë mendor ju duhet ta vlerësoni dhe pranoni vetveten. Kjo do të thotë që:

• Ju respektoni dhe kujdeseni për veten tuaj. Ju e doni vetën, nuk e urreni. Ju kujdeseni për shëndetin tuaj fizik
• E parashihni vetën si person me vlerë sipas drejtës tuaj. Nuk keni nevojë ta meritoni të drejtën e ekzistencës. Ju ekzistoni, prandaj keni të drejtë për ekzistim.
• Gjykoni veten sipas standardeve të arsyeshme. Mos e detyroni veten me qëllim të pamundshme, si për shembull “Unë duhet të jem i përsosur në çdo veprim”, dhe mos e dënoni vetën nëse nuk ia arrini.

Nëse ju nuk e pranoni dhe vlerësoni vetën, gjithmonë do të frikësoheni se njerëzit tjerë nuk ju pranojnë. Që t’i ndaloni njerëzit të shohin se sa të papranueshëm jeni, ju shkëputeni nga ata, kështu që mbeteni gjithmonë të frikësuar dhe të vetmuar. Nëse ju e vlerësoni vetën nuk pritni për mospranimin e njerëzve tjerë. Nuk frikësoheni nga njerëzit e tjerë. Ju mund të jeni mendje hapur kështu që të kënaqeni me marrëdhënie të mira njerëzore. Nëse e pranoni dhe e vlerësoni vetveten, ju jeni në gjendje të ndjeheni të qetë dhe të kënaqeni pa ndjenjë faji. Kur ballafaqoheni me probleme ju e dini që pa marrë parasysh sa e vështirë është situata juaj, ju mund ta përballoni. Si e parashohim vetën është e rëndësishme për çdo vendim të marrë.

Njerëzit të cilët e pranojnë dhe vlerësojnë vetveten e përballojnë jetën.Ne vuajmë nga shqetësimet mentale, nëse nuk e pranojmë dhe vlerësojmë vetën. Këto mendime zakonisht vijnë qysh nga fëmijëria kur ne kemi vendosur se nuk jemi të mirë dhe të papranueshëm, përndryshe familja jonë nuk do të na kishte trajtuar në atë mënyrë. Kjo e bën shumë të vështirë për ne t’i përballojmë vështirësitë dhe fatkeqësitë që hasim.

Të gjithë ne rritemi me ide të caktuara se kush jemi, cila ishte dhe çka do të jetë jeta jonë dhe se çfarë është bota. Këto ide burojnë nga përvojat e kaluara dhe nga ajo se dy njerëz kur nuk mund t’i kenë përvojat e njëjta, dy njerëz kurrë nuk mund t’i shohin gjërat pikërisht në të njëjtën mënyrë. Idetë tona nuk janë aq të sakta se çka është duke ndodhur rreth nesh, por supozime apo teori të caktuara se çka ndodhë. Nëse ne rritemi duke besuar se bota është ajo se si e shohim. Ne pastaj tronditemi shumë kur mësojmë se gjërat nuk janë ashtu si kemi menduar dhe mendimet e mëparshme kanë qenë të gabueshme.

Kurdo që hasim në fatkeqësi të papritur, kur ndodhin mosmarrëveshje serioze ne zbulojmë se jeta jonë nuk është ajo çka kemi menduar por çka jeta është në të vërtet. Ne ndoshta kemi menduar se do ta kalojmë jetën me një person të veçantë, por ky person shkon nga ne, apo vdes. Ndoshta ne jemi rritur duke besuar se nëse sillemi mirë asgjë e keqe nuk do të ndodhë, prapëseprapë ndodh.

Kurdo që kuptojmë se kemi bërë gabim të madh, ne fillojmë të dyshojmë për çdo vendim që kemi marrë. Atëherë fillojmë të ndjehemi shumë të dobët. Ndjehemi sikurse jemi duke u shkatërruar, copëtuar, duke u zhdukur. Nëse ne e vlerësojmë dhe pranojmë vetveten, ne kemi siguri në vetën tonë edhe nëse jemi të frikësuar ne e sigurojmë vetën se kjo ndjenjë do të kalojë dhe se mund t’i përballojmë vështirësitë dhe çfarëdo që vjen. Nëse ne nuk e vlerësojmë vetën tonë dhe nuk ndjehemi pozitiv atëherë pason ndjenja e shkatërrimit personal.

Ne ndjehemi të fshirë dhe të zhdukur si pikë e ujit në oqean. Kjo na bënë shumë të tmerruar.
Çdoherë kur frikësohemi se do të shkatërrohemi, ne duhet të gjejmë mbrojtje për ta mbajtur vetën. Sa më keq që ndjehemi për vetën më vështirë e kemi të gjejmë mbrojtje.
Mënyrat e mbrojtjes përfshijnë:
• dëmtimin e trupit tonë duke shkaktuar plagë ose duke mos ngrënë,
• fajësimi i vetës dhe depresioni,
• duke gjetur shkakun e frikës tonë në rrethin tonë dhe të frikohemi të dalim jashtë,
• duke bërë punë më shumë e më shumë,
• duke u mbyllur në botën tonë të brendshme dhe duke heq dorë gjejmë kuptim për botën rreth nesh si njerëzit tjerë.

Si zëvendësim, së shpejti pa vetëdije gjejmë një mbrojtje se si e shohim vetveten dhe botën tonë. Për shembull nëse ne jemi të mësuar ta fajësojmë vetveten për çdo gjë që shkon keq, atëherë e fajësojmë vetveten për atë fatkeqësi që ndodhë.

Shqetësimet mendore nuk ndodhin çdoherë. Megjithatë, nëse ne nuk e vlerësojmë dhe pranojmë veten kjo do të siguron shqetësim mendor kur jeta është e vështirë. Nëse ne ndjehemi pozitiv për veten tonë dhe nëse e humbin dikë, do të ndjehemi të pikëlluar por jo në depresion. Kur dikush na trajton keq ne ndjehemi të zemëruar por jo fajtor që jemi të zemëruar. Kur diçka ose dikush na kërcënohet, ne frikësohemi por jo të shkatërrohemi, sepse ne kujdesemi dhe e mbrojmë vetveten. Shkaktarët e shqetësimeve mendore nuk janë humbja, skamja,sëmundja ose njerëzit që na trajtojnë keq. Është mënyra se si e interpretojmë humbjen, skamjen, sëmundjen ose faktin se si njerëzit tjerë na trajtojnë keq.

Duke i interpretuar gjërat në mënyrë që e bënë vuajtjen të pashmangshme shumë njerëz heqin dorë nga vetvetja. Nëse ne e shohim veten si të keq dhe të papranuar dhe besojmë që jetojmë në “një botë” ku të mirat shpërblehen dhe të këqijat dënohen atëherë, kur ndodhë ndonjë fatkeqësi ne e interpretojmë këtë si dënim për të këqijat tona. Nëse e shohim vetveten si të parëndësishëm dhe të pavlefshëm kur na ndodhë ndonjë gjë e lumtur ne i themi vetvetes “unë nuk duhet të jem e lumtur”. Nëse frikësohemi nga njerëzit tjerë dhe ata na trajtojnë keq, ndjehemi se ne nuk kemi të drejtë ta mbrojmë vetveten. Kur ne ndjehemi të shëmtuar dhe të padashur ne kemi nevojë të madhe për njerëz përreth nesh, ne e fshehim zemërimin. Kur i lejojmë njerëzit e tjerë të na shkelin sepse nuk mund ta tregojmë dëshpërimin nga frika që ata do të na pranojnë. Nëse ne besojmë se është e pamundshme t’i ndalojmë zhgënjimet dhe çdo gjë të keqësohet ne nuk veprojmë asgjë ta përmirësojmë jetën tonë por ne atëherë vetëm vuajmë dhe i dorëyohemi kësaj ndjenje.

Nëse ndjehem mentalisht i/e thyer, çka mund të më ndihmojë?

Pranoni se mund të ndryshoni. Askush nuk mbetet i njëjtë, kështu që ndryshoni për të mirë. Ndryshimi më i madh që mund ta bëni është ta pranoni dhe vlerësoni vetveten. Nëse e kaloni shumicën e jetës tuaj duke besuar se ju jeni të papranueshëm dhe me pak vlerë është vështirë të ndryshoheni sepse të gjitha idetë dhe mënyrat e sjelljeve bazohen në atë besim. Qëllimi është që t’ i thoni vetvetes: “Unë nuk e vlerësoj veten shumë por tash e mbas unë do të sillem si shoku/qja më e mirë për vetveten. Unë do sillem mirë ndaj vetvetes, kujdesem për vetveten dhe nuk do ta kritikojë ose ulë poshtë veten time”. Duke u sjell me vetën si shoku/qja më e ngushtë, kjo do të ju bëjë shokun/qen më të mirë të vetës. Ju duhet të jeni të kujdesshëm se si flitni me vetën. Dëgjoni zërin tuaj të brendshëm. I shkruani gjërat që ju lëndojnë, gjërat kritike që ju thotë zëri juaj dhe pastaj mendoni për t’i thënë vetës gjëra më të dashura dhe inkurajuese.

Continue Reading

Aktuale